मेलम्ची बस दुर्घटनाः एक मृतकको सनाखत

ब्लग

नेपाल लाइभ शुक्रबार, चैत ९, २०७४ १२:१६

काठमाडौं– मेलम्ची बस दुर्घटनामा मृत्यु भएका एक जनाको सनाखत भएको छ। काठमाडौंबाट सिन्धुपाल्चोकको मेलम्ची हुँदै भोटे नाम्लाङ जाँदै गरेको यात्रु बस मेलम्ची नगरपालिका वडा नम्बर १२ स्थित तामाखानीमा दुर्घटनामा परेको थियो।

दुर्घटनामा परी घटनास्थलमै मृत्यु भएका ३ मध्ये एक मेलम्ची–१० का ४० वर्षीय चन्द्र बहादुर देउजा रहेको इलाका प्रहरी कार्यालय मेलम्चीले जनाएको छ।

प्रहरीका अनुसार बसमा सवार ३५ मध्ये ९ जनाको अवस्था गम्भीर छ। घाइते भएका १५ जनाको काठमाडौंमा उपचार भइरहेको छ। बाँकि घाइतेहरुको धुलिखेल अस्पतालमा उपचार भइरहेको प्रहरीले जनाएको छ।

आमाहेल्मो यातायातको बा३ख ४३२५ नम्बरको बस मोडमा चालकले नियन्त्रण गुमाउँदा सडकबाट ५० फिट तल खसेको थियो। चालक फरार रहेको र खोजी भइरहेको प्रहरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पोखरा महानगरका करार कर्मचारी नहटाउन उच्च अदालतको आदेश

सर्वोच्चद्वारा अन्तरिम आदेश अस्वीकार: केयूको भीसीमा एमडी/एमएस मात्रै गरेका डाक्टरले आवेदन दिन नपाउने

सहकारी ठगी प्रकरण: बयान सकियो, रविलाई फेरि प्रहरीको जिम्मा लगाउन अदालतको आदेश