सन्दीपको लक्की नम्बर २५, दिल्ली डेयर डेभिल्सबाट यसरी पाए १ नम्बरको जर्सी

ब्लग

नेपाल लाइभ शुक्रबार, चैत ९, २०७४ ०५:०४

काठमाडौं- आइपिएल टिम दिल्ली डेयर डेभिल्सले सन्दीप लामिछानेलाई १ नम्बरको जर्सी दिएको छ। काठमाडौंको अन्नपूर्ण होटलमा आयोजित कार्यक्रममा दिल्ली डेयर डेभिल्सका प्रमुख कार्यकारी अधिकृत (सिइओ) हेमन्त दुवाले सन्दीपलाई जर्सी हस्तान्तरण गरेका हुन्।

सन्दीपको रोजाइ २५ नम्बरको जर्सी भए पनि त्यो अरु खेलाडीले नै लिइसकेकाले उनले १ नम्बरको जर्सी रोजेका हुन्।

सन्दीपले नेपालबाट २५ नम्बरकै जर्सी लगाएर खेल्ने गरेका छन्। उनले २५ नम्बर जर्सी रोज्नुको कारण भने अलि पृथक् रहेको बताए।

उनले कार्यक्रममा भने, 'मेरो भान्जीको जन्म मिति २५ गते हो, मान्जी अहिले यो संसारमा छैनन्। उनलाई सम्झिन म सधैं २५ नम्बरलाई रोजाइमा राख्नेगर्छु।' उनले थपे, '२५ नम्बर जर्सी नपाएपछि मैले १ नम्बर जर्सी रोजेको हुँ, यसको मतलब म सधैं १ नम्बर बन्ने कोसिसमा रहन्छु।'

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

लसएन्जलस: मृतकको संख्या १६ पुग्यो, आगो अझै अनियन्त्रित

पोखरा महानगरका करार कर्मचारी नहटाउन उच्च अदालतको आदेश

सर्वोच्चद्वारा अन्तरिम आदेश अस्वीकार: केयूको भीसीमा एमडी/एमएस मात्रै गरेका डाक्टरले आवेदन दिन नपाउने