सेवाग्राहीलाई सहज न्याय देऊ : कामु प्रधानन्यायाधीश जोशी

ब्लग

नेपाल लाइभ बिहीबार, चैत ८, २०७४ १४:५३

नेपालगन्ज- कायम मुकायम प्रधानन्यायाधीश दीपकराज जोशीले उच्च अदालत तुलसीपुर नेपालगन्ज इजलास र बाँके जिल्ला अदालतको निरीक्षण गर्दै सर्वसुलभ न्याय पाउनेगरी सेवा चुस्त बनाउन निर्देशन दिएका छन्।

शुक्रबारबाट सुरु हुने नेपाल बार एसोसिएसनको साधारणसभामा सहभागी हुन नेपालगन्ज पुगेका कामु प्रधानन्यायाधीश जोशीले दुवै तहका अदालतको निरीक्षणपछि सर्वसाधारणलाई सेवा दिँदा सहज हुनेगरी आन्तरिक व्यवस्थापन मिलाउन समेत निर्देशन दिए।

अदालतको आन्तरिक व्यवस्थापनका लागि आन्तरिक स्रोतबाट सम्भव भए मिलाउन र नभए केन्द्रमा सहयोग मागेर भए पनि समस्या समाधान गर्न समेत निर्देशन दिए।

कामु प्रधानन्यायाधीश जोशीले उच्च अदालतमा रहेको वाणिज्य इजलासमा कम्तीमा एक जना न्यायाधीश रहनेगरी बिदा वा काज स्वीकृत गर्न दिएको निर्णय कार्यान्वयन गर्न निर्देशन दिएका छन्। बुधबार सर्वोच्च अदालतबाट जारी गरिएको परिपत्रमा पछिल्लो समयमा वाणिज्य इजलासमा एक जना पनि न्यायाधीश नभएर सेवाग्राही समस्यामा परेको भन्ने गुनासो बढेकाले कम्तीमा एक जना न्यायाधीशले इजलास नछाड्ने गरी व्यवस्थापन गर्नुपर्ने गरी निर्णय गरेको उल्लेख थियो।

अदालत निरीक्षणका क्रममा उच्च अदालत तुलसीपुर नेपालगञ्ज इजलासले अदालतको प्रगति विवरण प्रस्तुत गरेको थियो। यस्तै, जिल्ला अदालत बाँकेले तीन तहका निर्वाचन हुँदा लक्ष्य केही प्रभावित भएको भन्दै लक्ष्य भेट्न प्रयत्नशील रहेको विवरण पेश गरेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित

पोखरा महानगरका करार कर्मचारी नहटाउन उच्च अदालतको आदेश