पानीमा तैरिइरहेको अवस्थामा ५१ वर्षीय आलमको शव फेला

ब्लग

नेपाल लाइभ मंगलबार, चैत ६, २०७४ ०८:१७

राजविराज– सप्तरी सदरमुकाम राजविराजस्थित कल्टुदास पोखरीमा डुबेर वडा नं. ४ का ५१ वर्षीय मोहम्मद साह आलमको मृत्यु भएको छ। सोमबार दिउँसो पोखरीमा डुबेका आलमको शव मंगलबार बिहान फेला परेको हो।

प्रहरीको टोलीले सोमबार साँझसम्म उनको खोजी गरेको थियो। मंगलबार बिहानै पानीमाथि तैरिएको अवस्थामा शव फेला परेको सप्तरी प्रहरीले जनाएको छ।

मृतक आलम ठेला चलाउने काम गर्दै आएका थिए भने उनकी पत्नी कपडा धुने काम गर्छिन्। पोखरीको डिलमा कपडा धुँदै गरेकी पत्नीसँगै गएका बेला आलम पोखरीमा डुवेको स्थानीयले जानकारी दिए।

मृतकको शवलाई पोस्टमार्टमका लागि राजविराजस्थित सगरमाथा अञ्चल अस्पतालमा पठाइएको र घटनाको अनुसन्धान भइरहेको डिएसपी ध्रुवकुमार श्रेष्ठले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित