लोकेश बमको अर्धशतकले जोगिएन विराटनगर, चितवनको लगातार चौथो जित

स्पोर्टस लाइभ

नेपाल लाइभ आइतबार, पुस ६, २०७६ १२:३४

पोखरा- पोखरा प्रिमियर लिग (पिपिएल) क्रिकेटमा चितवन राइनोजले विराटनगर टाइटन्सलाई १८ रनले हराएको छ। १ सय ४७ रनको लक्ष्य पछ्याएको विराटनगर १९ ओभरमा १ सय २८ रनमा अलआउट भएको हो।

विराटनगर टाइटन्सका लागि उत्कृष्ट ब्याटिङ गर्दै लोकेश बमले अर्धशतक बनाए। आठौँ क्रममा ब्याटिङमा आएका उनले ३६ बलमा ६२ रन बनाएका हुन्। जसमा उनले ५ चौका ५ छक्का हाने।

यसअघि चितवनले पहिलो खेलमा पोखरालाई ६ विकेटले, दोस्रो खेलमा बुटवललाई १ सय १९ रनले साथै तेस्रो खेलमा धनगढीलाई ५२ रनले हराएको थियो। विराटनगर पहिलो खेलमा धनगढीसँग ५ रनले पराजित भएको थियो। दोस्रो खेलमा पोखरालाई ४५ रनले जितेको थियो भने तेस्रो खेलमा काठमाडौंसँग ३६ रनले हारेको थियो।

विराटनगरका लागि ओपनिङमा आएका सुनिल धमलाले ४ बलमा ५ रन हानेका थिए। अर्का ओपनर मोहम्मद जायद आलम ४ बलमा १ रन बनाउँदा आउट भए। कप्तान प्रदीप ऐरीले १९ बलमा ९ रन बनाए। नोमन खानले १६ बलमा १८ रन बनाए। राज् रिजाल २ बलमा १ रन बनाउँदा आउट भए। पुनित मेहराले २६ बलमा २४ रन बनाए। राजेश पुलामी मगर शून्यमै रन आउट भए।

चितवनका करण केसी र भुवन कार्कीले तीन–तीन साथै रोहन मुस्तफाले दुई र सन्नी पटेलले एक विकेट लिए।

यसअघि विराटनगरले टस जितेर फिल्डिङ रोजेपछि ब्याटिङमा आएको चितवनले पूरा २० ओभर खेल्दै ४ विकेट गुमाएर १ सय ४६ रन बनाएको थियो। कमजोर बनिरहेको चितवनको ब्याटिङलाई पाँचौँ क्रममा ब्याटिङमा आएका आरिफ शेख र छैठौँ क्रममा आएका सन्नी पटेलले उकासेका हुन्। दुईबीच ५४ रनको अविजित साझेदारी रह्यो।

चितवनका लागि ओपनिङ ब्याटिङमा आएका रोहन मुस्तफाले १० बलमा ७ रन र कप्तान पारस खड्काले ३८ बलमा ३५ रन बनाए। जसमा पारसले ५ चौका हानेका थिए।

बाबर हायातले ३१ बलमा २५ रन बनाए। अनिल कुमार साहले १४ बल खेलेर ३ रन मात्रै बनाए। आरिफ शेखले २२ बलमा ३९ रन बनाए। उनले ३ चौका ३ छक्का हाने। साथै सन्नी पटेलले ८ बलमा २७ रन बनाए। उनले १ चौका ३ छक्का हाने।

विराटनगरका जितेन्द्र मुखिया, किशोर महतो, पुनित मेहरा र मोहम्मद जायद आलमले एक–एक विकेट लिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

आजको मौसमः पहाडका केहि क्षेत्रमा बदली, मुख्यतया सफा रहने

सत्य निरुपण र बेपत्ता आयोगका पदाधिकारी नियुक्त

बेरूजु निरन्तर बढ्दो, राजस्व छुटको तथ्याङ्क संसद्मा पेस गरेर पारदर्शिता कायम गर्न सुझाव