मस्को- रूस र चीनबीचको द्विपक्षीय सम्बन्ध मजबुत हुनु विश्वव्यापी स्थायित्वका लागि आवश्यक रहेको रूसका राष्ट्रपति भ्लादिमिर पुटिनले बताउनुभएको छ।
वार्षिक रूपमा हुने सम्मेलनलाई बिहीबार सम्बोधन गर्दै नेता पुटिनले भने, ‘रूस र चीनबीचको सम्बन्ध मजबुत बन्दा यसबाट यी दुई समाजवादी मुलुकका जनतालाई फाइदा हुनुका साथै विश्वव्यापी आर्थिक तथा राजनीतिक स्थायित्वमा समेत महत्वपूर्ण योगदान पुग्नेछ।’
उनले चीनसँगको सम्बन्ध बिस्तारलाई थप जोड दिँदै भने, ‘चीनसँग हाम्रो सहकार्य निकै महत्वपूर्ण छ। त्यसैलाई मध्यनजर गर्दै रूस र चीनबीच बहुआयामिक रणनीतिक सम्बन्ध बिस्तार गरिनेछ। मलाई विश्वास छ कि यसबाट चीन र रूसका जनतालाई फाइदा पुग्नेछ।’
उनले भने, ‘रूस र चीनबीचको सहकार्यले अन्तर्राष्ट्रिय स्थायित्वमा महत्वपूर्ण प्रभाव पार्नेमा हामीलाई कुनै शङ्का छैन। यसले अन्तर्राष्ट्रिय कानुन सुधारका क्षेत्रमा प्रोत्साहन गर्न सहयोग पुग्छ।’ -रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791799330.png)
-1786602170.png)
