मार्तडीमा तीनदेखि अवरुद्ध विद्युत सञ्चालन

ब्लग

नेपाल लाइभ सोमबार, चैत ५, २०७४ ०४:४९

बाजुरा- सदरमुकाम मार्तडीमा रहेको त्रिवेणी साना जलविद्युत् केन्द्रको नहर भत्किएको तीन दिनपछि सदरमुकामवासीले बत्ती बाल्न पाएका छन्। तीन दिनदेखि अँध्यारोमा बसेका सदरमुकामवासीले आइतबार बेलुकी ६ बजेबाट बत्ती बाल्न पाएका हुन्।

बडीमालिका नगरपालिकाले निर्माण गर्न लागेको खानेपानीको ट्यांकी नजिकै रहेको विद्युत्को नरह भत्किएपछि जिल्लावासी मैनबत्तीको भरमा बस्दै आएका थिए। २०४२ सालमा निर्माण भएको उक्त विद्युत् पटकपटक विद्युत् मेसिनमा खराबी आउने गरेको छ। विद्युत्का लागि बनाइएको नहरसमेत जीर्ण बन्दै गएका कारण ग्राहकले पटकपटक अँध्यारोमा बस्नुपरेको साना जलविद्युत् केन्द्रका कार्यालय प्रमुख दयाराम पण्डितले स्वीकार गरे।

विद्युत्को नहर भत्किएपछि पुनः निर्माण कार्य भई आइतबार बेलुकीदेखि बत्ती सञ्चालन गरिएको पण्डितले बताए। तीन दिनदेखि विद्युत् नहुँदा जिल्लाका दर्जनभन्दा बढी सरकारी तथा गैरसरकारी कार्यालयको कामकाज ठप्प भएका थिए।रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित