पोखरा- पोखरा प्रिमियर लिग (पिपिएल) क्रिकेटमा चितवन राइनोजले १ सय १९ रनले बुटवल ब्लास्टरलाई हरायो। टस जितेको बुटवलले फिल्डिङ रोजेपछि ब्याटिङमा आएको चितवन सुरुदेखि आक्रामक देखिएको थियो। २ सय ३ रन बनाएको चितवनका कप्तान पारस खड्का र रोहन मुस्तफाले अर्धशतक बनाए।
पोखरा रंगशाला क्रिकेट मैदानमा भएको खेलमा चितवनको पक्षमा खेलभर दर्शकबाट हुटिङ आइरह्यो। पिपिएलमा अहिलेसम्मकै सर्वाधिक रन बनाएको चितवनले बलिङमा पनि बुटवललाई दबाबमा राखेर नै हरायो।
यसअघि पोखरालाई ६ विकेटले हराएको चितवन अंक तालिकाको शीर्ष स्थानमा छ। बुटवलले यसअघिको खेलमा काठमाडौंलाई सुपर ओभरमा हराएको थियो।
२ सय ४ रनको लक्ष्य पछ्याएको बुटवल १८.४ ओभरमा ८४ रनमा अलआउट भएको हो। बुटवलको ओपनिङ ब्याटिङमा आएका अफ्ताबुद्धिन अहमदले ५ बलमा २ रन साथै शंकर रानाले १० बलमा ५ रन मात्रै बनाए।
तेस्रो क्रममा ब्याटिङमा आएका हर्ष टन्कले २ बलमा १ रन, शिवम सिंहले ३३ बलमा ३३ रन, भिम सार्कीले २१ बलमा २१ रन, सोमपाल कामीले ८ बलमा ३ रन, शेर मल्लले ७ बलमा २ रन बनाए। अभिनाश बोहरा शून्यमै आउट भए। हरि चौहानले २० बलमा १२ रन बनाए।
चितवनका लागि करण केसीले ४ विकेट लिए। ३.४ ओभर बलिङ गरेका उनले ११ रन मात्रै खर्चिए। रोहन मुस्तफाले दुई विकेट लिए। यस्तै सन्नी पटेल, भुवन कार्की, बिक्रम शोब र बिक्रम भुसालले एक–एक विकेट लिए।
यसअघि बुटवल ब्लास्टरले टस जितेर फिल्डिङ रोजेपछि ब्याटिङमा आएको चितवनले पूरा २० ओभर खेल्दै ३ विकेट जाँदा २ सय ३ रन बनाएको हो। दोस्रो पिपिएल चलिरहँदा यो अलिहेसम्मकै सर्वाधिक रन पनि हो। यसअघि गएको सिजनको पहिलो खेलमा पोखराले विराटनगरविरुद्ध १ सय ९७ रन बनाएको थियो।
चितवनका लागि कप्तान पारस खड्का र रोहन मुस्ताफाले अर्धशतक बनाए। मुस्तफाले ५६ बलमा ७० रन बनाए। अविजित रहेका उनले ७ चौका २ छक्का हाने। २ बल खेलेका सन्नी पटेल ४ रनमा अविजित रहे।
पारसले ४० बलमा ६३ रन बनाए। उनी अफ्ताबुद्धिन अहमदको बलमा क्याच आउट भएका थिए। त्यसअघि उनले ६ चौका र २ छक्का हाने।
पारस आउट भएपछि आएका बाबर हयातले ५ बलमा १ रन मात्रै बनाए। उनी अफ्ताबुद्धिनकै बलमा बोल्डआउट भएका थिए। आरिफ शेखले १९ बलमा ४० रन बनाए। उनले ३ चौका ३ छक्का हाने। बुटवलका अफ्ताबुद्धिन अहमदले दुई साथै अभिनाश बोहराले एक विकेट लिए।
.JPG)
.JPG)
.JPG)
.JPG)
.JPG)
.JPG)
.JPG)
.JPG)
.JPG)
.JPG)
.JPG)
.JPG)
.JPG)
.JPG)
.JPG)
.JPG)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791043321.png)
-1791041970.png)
-1786602170.png)
