पोखरा- पोखरा प्रिमियर लिग (पिपिएल) क्रिकेटमा पाँचौं खेलमा धनगढी ब्लुजलाई काठमाडौं गोल्डेन वारियर्सले १ सय ६ रनले हराएको छ। यसअघि दुई खेल हारेको काठमाडौंका लागि कप्तान ज्ञानेन्द्र मल्लको शतकीय ब्याटिङ जितको आधार बन्यो।
खराब मौसमका कारण १७ ओभरमा झारिएको खेलमा पूरा ओभर खेल्दै ५ विकेट जाँदा काठमाडौंले १ सय ८५ रन बनाएको थियो। १ सय ८६ रनको लक्ष्य पछ्याएको धनगढीले सम्हालिएर खेल्न सकेन। १६ ओभरमा ७९ रन बनाउँदा सबै विकेट गुमायो।
धनगढीका लागि ओपनिङ ब्याटिङमा आएका सन्दीप सुनार ४ बल खेलेर बिनारन आउट भएका थिए। अर्का ओपनर रोड्रिगो थोमसले १४ बलमा १० रन बनाए। श्रीमान्थ विजयारत्नेले १२ बलमा १५ रन बनाए।
कप्तान दिपेन्द्र सिंह ऐरीले ९ बल खेलेर ८ रन मात्र बनाए। सन्दीप जोराले ६ बलमा ७ रन, अमित यादवले ४ बलमा ३ रन बनाए। ९ बलमा ९ रन बनाएका सौरभ खनाल रनआउट भए। कमल सिंह ऐरीले १५ बलमा ९ रन बनाए। बिक्रम ढगुन्नाले १३ बलमा ९ रन बनाए।
काठमाडौंका बसन्त रेग्मीले ३ विकेट लिए। ४ ओभर बलिङ गरेका उनले १७ रन खर्चेका थिए। पवन सर्राफ र सुवोथ भाटीले दुई–दुई विकेट लिए। अमृत भट्टराई र सुशन भारीले एक–एक विकेट लिए।
यसअघि धनगढी ब्लुजले टस जितेर फिल्डिङ रोजेपछि पहिले ब्याटिङ गरेको काठमाडौंका कप्तान ज्ञानेन्द्र मल्लले पिपिएल क्रिकेटकै पहिलो शतक बनाएका थिए। ३७ बल खेलेका उनले ८ चौका ९ छक्का हाने। २४ बलमा ५४ रन बनाएका उनले पछिल्लो १३ बलमा ४६ रन हानेका हुन्।
काठमाडौंको ओेपनिङ ब्याटिङमा आएका गौरव तमोर ३ बल खेलेर बिना रन आउट भएका थिए। अर्का ओपनर जयकिशन कोल्सावालाले ३७ बलमा ४६ रन बनाए। उनले ४ चौका २ छक्का हाने।
तेस्रो क्रममा ब्याटिङमा आएका अमित श्रेष्ठले २१ बलमा ३४ रन बनाए। सागर ढकालको बलमा आउट हुनअघि उनले ६ चौका १ छक्का हानेका थिए। धनगढीका कमल सिंह ऐरीले ४ विकेट लिए। सागर ढकालले १ विकेट लिए।
यसअघि दुवै खेल हारेको काठमाडौं आज राम्रो ब्याटिङ गर्न सफल भएको हो। पहिलो खेलमा पोखरा पल्टनसँग ९ विकेटले हारेको काठमाडौं दोस्रोे खेलमा बुटवल ब्लास्टरसँग सुपर ओभरमा हारेको थियो। धनगढीले यसअघि विराटनगर टाइटन्सलाई ५ रनले हराएको थियो।
.JPG)
.JPG)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791043321.png)
-1791041970.png)
-1786602170.png)
