काठमाडौ- सत्तारुढ दल नेपाल कम्युनिस्ट पार्टी (नेकपा) मा नेताहरुले धारणा राख्ने क्रम जारी छ। मंगलबार दिउँसोसम्म एम के प्रसाई, सुरेन्द्र पाण्डे, अमृतकुमार बोहोरा, बेदुराम भुसाल, शंकर पोखरेल लगायतले धारणा राखिसकेका छन्।
प्रतिवेदनका विषयमा रोचक टिप्पणीहरु उठेको देवेन्द्र पौडेलले जानकारी दिए।
बोल्ने सदस्यहरुले सरकारलाई प्रभावकारी बनाउने, पार्टी एकीकरणका बाँकी कामहरु पूरा गर्ने तथा जनतामा गरेका बाचाहरु पूरा गर्ने विषयमा धारणा राखेका थिए।
सरकारले गरेका राम्रा काम जनताको बीचमा प्रचार गर्नुपर्ने सदस्यहरुले बताए। जनताले उठाएका सुशासनका क्षेत्रमा सरकारको ध्यान नपुगेको उनीहरुको टिप्पणी थियो। ‘भ्रष्टाचार नियन्त्रण गर्नुपर्यो’, उनीहरुले आग्रह गरेका थिए।
मंगलबार बोल्ने सदस्यहरुले पनि एमसीसीको विषयमा कुरा उठाएका थिए। उनीहरुले प्रतिवेदनका भाषाहरु निकै सन्तुलित र अन्तर्राष्ट्रिय सम्बन्ध नबिग्रने, नेपालमा लगानी आउनका निम्ति प्रतिकूल प्रभाव नपर्ने किसिमको शब्दावली प्रयोग हुनुपर्ने बताएका थिए।
गुट अन्त्य हुनुपर्ने कुरा पनि उठेको छ। सँगसँगै पार्टीलाई विधि र पद्धतिमा अगाडि बढाउनुपर्ने सदस्यहरुले जोड दिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
