पोखरा- पोखरा प्रिमियर लिग (पिपिएल) क्रिकेटको चौथो खेलमा पोखरा पल्टनले चितवन राइनोजलाई १ सय ८ रनको लक्ष्य दिएको छ।
टस जितेर चितवनले फिल्डिङ रोजेपछि ब्याटिङमा आएको पोखरा पूरा २० ओभर खेल्दै १ सय ७ रनमा अलआउट भएको हो।
पोखराका लागि ओपनिङ गरेका कुशल भुर्तेल ५ बलमा ५ रन बनाउँदा आउट भए। यसअघि पहिलो खेलमा काठमाडौं गोल्डेन वारियर्सविरुद्ध ४३ बल खेल्दै ६५ रन बनाएका उनी चितवनविरुद्ध सन्नी पटेलको बलमा एलबिडब्लू आउट भए।
अर्का ओपनर आसिफ शेख पनि १० रनमा नै आउट भए। १५ बल खेलेका उनी बिक्रम सोबको बलमा क्याच आउट भएका हुन्। रवि इन्दर सिंहलाई पारस खड्काले बोल्डआउट गरे। अफ स्पिन बलिङ गरेका खड्काले २ ओभरमा ६ रन मात्रै दिएर १ विकेट लिएका हुन्।
बिनोद भण्डारी ८ बलमा ७ रन बनाउँदा भुवन कार्कीको बलमा आउट भए। कुशल मल्लले १२ बलमा १३ रन बनाए। रोहित कुमार पौडेल पहिलो बलमा नै रन आउट भए। कप्तान शरद भेषावकरले ३९ बलमा ४५ रन बनाए। उनले ३ चौका, ३ छक्का हाने। उनलाई रोहन मुस्तफाले आउट बनाएका हुन्। मुस्तफाकै बलमा प्रथमेस दाके पहिलो बलमा नै आउट भए। सर्वजित लड्डा भुवनको बलमा एलबिडब्लू आउट भए।
चितवनका लागि सन्नी पटेल, रोहन मुस्तफा र भुवन कार्कीले दुई–दुई साथै कप्तान पारस, करण केसी र बिक्रम सोबले एक–एक विकेट लिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770871670.png)
-1770871503.png)
-1764146706.png)
-1770562345.jpg)
