बेइजिङ- चीनले चिनियाँ दुई कूटनीतिज्ञलाई निष्कासन गर्नु अमेरिकाको ‘गलत’ निर्णय भएको सोमबार जनाएको छ।
अमेरिकी सञ्चार माध्यम न्यूयोर्क टाइम्सले आइतबार उल्लेख गरेअनुसार अमेरिकी सरकारले सेप्टेम्बरमा गोप्यरूपमा अमेरिकाका लागि चिनियाँ राजदूतावासका दुई पदाधिकारीलाई निष्काशन गरेको भन्ने खबरप्रति चीनको विदेश मन्त्रालयका प्रवक्ता कङ श्वाङले चासो व्यक्त गर्दै यसो गर्नु अमेरिकाको ‘गलत निर्णय’ हो भनेका छन्।
ती दुई अधिकारीले आफ्नो गाडी चढेर अमेरिकाको भर्जिनियाको एक सैन्य आधारमा प्रवेश गरेको समाचारमा बताइएको छ।
प्रवक्ता कङले पत्रकारसँगको नियमित भेटमा उक्त विषयबारे चीनको धारणा राखेका हुन्।
अमेरिकाले चिनियाँ कूटनीतिज्ञलाई निष्काशन गर्ने निर्णय लिनु दुई मुलुकको कूटनीतिक सम्बन्धको गम्भीर उल्लङ्घन भएको र चीनले यसबारे अमेरिकासँग कूटनीतिक च्यानलमार्फत सम्पर्क गरी कडा शब्दमा विरोध गरेको प्रवक्ता कङले बताए।
अमेरिकालाई भियना कुटनीतिक सम्बन्ध सन्धिबमोजिम दुई देशबीच एकले अर्काको कुटनीतिज्ञलाई सुविधा तथा प्रत्याभूति प्रदान गर्नु नै एक आपसी सम्बन्धको आधार भएको भन्दै अमेरिकालाई आफ्नो गल्ती सच्याउन पनि उनले आग्रह समेत गरे। -रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
