पोखरा- दोस्रो सिजनको पोखरा प्रिमियर लिग (पिपिएल) टी ट्वान्टी क्रिकेटमा पहिलो अर्धशतक पोखरा पल्टनका कुशल भुर्तेलले हानेका छन्। काठमाडौं गोल्डेन वारियर्सले दिएको १ सय १६ रनको लक्ष्य पछ्याएको पोखराका लागि भुर्तेलले ३४ बलमा ५० रन हानेका हुन्। उनले ४ चौका ३ छक्का हाने।
.....
गएको वर्ष भएको पहिलो सिजनको विजेता पोखरा पल्टनले टस जितेर फिल्डिङ रोजेपछि ब्याटिङमा आएको काठमाडौं गोल्डेनले निर्धारित २० ओभर खेल्दै ८ विकेट गुमाएर १ सय १५ रन बनाएको हो।
ओपनिङमा आएका जयकिशन कोल्सावाला र सुवास खकुरेलले १८ रनको मात्रै साझेदारी गर्न सके। तेस्रो ओभरको चौथो बलमा कोल्सावाला व्यक्तिगत ९ रन बनाउँदा आउट भएका थिए। ६ बल खेलेर २ चौका हानेका उनी प्रथमेस डाकेको बलमा विकेटकिपरमार्फत क्याच आउट भए।
अर्का ओपनर खकुरेलले पनि १२ बल खेलेर ६ रन मात्र बनाउन सके। १ चौका हानेका उनी ललित नारायण राजबंशीको बलमा आउट भएका थिए।
तेस्रो क्रममा ब्याटिङमा आएका कप्तान ज्ञानेन्द्र मल्लले पनि सम्हालिएर खेल्न सकेनन्। उनी ५ बलमा १ रन बनाउँदा रसिद खानको बलमा बोल्डआउट भए। गौरव तोमरले ७ बलमा १३ रन बनाए। पवन सर्राफले १८ बलमा ६ रन, पृथ्वु बाँस्कोटाले १६ बलमा ७ रन बनाए।
सातौं विकेटका लागि सुवोध भाटी र बसन्त रेग्मीबीच ३८ रनको साझेदारी भयो। भाटी २९ बलमा ४५ रन बनाउँदा सर्वजित लड्डाको बलमा आउट भए। उनले ४ चौका र ४ छक्का हानेका थिए। बसन्त रेग्मी १३ बलमा ८ रन बनाउँदा आउट भए।
पोखराका ललित राजबंशी, कुशल मल्ल र रसिद खानले दुई–दुई साथै प्रथमेस डाके र सर्वजित लड्डाले एक–एक विकेट लिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791041970.png)
