धनुषामा टेम्पो दुर्घटना : एक जनाको मृत्यु, ५ घाइते

ब्लग

नेपाल लाइभ शुक्रबार, चैत २, २०७४ ०४:०९

धनुषा- धनुषाधाम नगरपालिका-३ नयाँ बसपार्कस्थित धारापानीमा टेम्पो दुर्घटना हुँदा एक जनाको मृत्यु भएको छ भने ५ जना घाइते भएका छन्।

मृत्यु हुनेमा टेम्पोमा सवार धनुषाधाम नगरपालिका-३ तेजनगरका लट नारायण पासवान रहेका छन्। उपचारका लागि अस्पताल लैजाँदै गर्दा बाटोमा नै उनको मृत्यु भएको हो।

घाइते हुनेमा २५ वर्षीया अमृता पासवान,३० वर्षीया फूलकुमारी कापर,५८ वर्षीय कृष्ण न्यौपाने,२५ वर्षीय रामेश्वर महरा र १८ वर्षीया सरिता राम रहेका छन्। घाइते सबैको स्थानीय मेडिकलमा उपचार भइरहेको छ।

गएराति ८ बजे ज १ ह ३४२१ नम्बरको टेम्पो आफै अनियन्त्रित भई दुर्घटना भएको हो। ट्याम्पो चालक फरार रहेकाले खोजी कार्य भइरहेको इलाका प्रहरी कार्यालय धनुषाधामले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित