बुटवल– थ्रीस्टार क्लब बुटवलमा जारी २० औं तिलोत्तमा गोल्डकपको फाइनलमा प्रवेश गरेको छ।
बुटवलको देवीनगरस्थित एन्फा खेल मैदानमा आज भएको प्रतिस्पर्धात्मक खेलमा मनाङ मर्स्याङ्दी क्लबलाई २–१ गोलअन्तरले पराजित गर्दै थ्रीस्टारले फाइनलमा स्थान सुरक्षित गरेको हो। अब उसले उपाधिका लागि नेपाल पुलिस क्लबसँग खेल्नु पर्नेछ।
खेलमा अग्रता भने मनाङले लिएको थियो। २३ औं मिनेटमा विशाल राईको पासमा विदेशी खेलाडी फ्लोरेनले गोल गरेका थिए। तर, यो खुसी धेरैबेर टिक्न सकेन। एक मिनेट बित्न नपाउँदै थ्रीस्टारका बुद्ध चेम्जोङले एक्लै बल अघि बढाएर बराबरी गोल गरे । ३८औं मिनेटमा थ्रीस्टारले पाएको फ्रिकिकमा निराजन खड्काले गोल गरे। दोस्रो हाफमा थप गोल हुन सकेन।
अब थ्रीस्टारले उपाधिका लागि चैत ३ गते विभागीय टिम नेपाल पुलिसको सामना गर्ने छ । विजेताले ७ लाख ७७ हजार ७ सय ७७ रुपैयाँ र उपविजेताले ४ लाख ४४ हजार ४ सय ४४ रुपैयाँ नगद पुरस्कार प्राप्त गर्नेछन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789010467.jpg)
-1786602170.png)
