काठमाडौं– आइसिसी एकदिवसीय विश्वकप छनोटअन्तर्गत प्लेअफमा नेपालसँग ६ विकेटले पराजित भएसँगै पपुवा न्युगिनीको एकदिवसीय मान्यता गुमेको छ। नेपालसँग पराजित भएसँगै पिएनजी शीर्ष ८ मा नपर्ने पक्का भएको हो।
आइसिसीले प्रतियोगितामा सहभागि ६ एसोसिएट मध्ये ४ देशलाई सन् २०२२ सम्म एकदिवसीय मान्यता दिने निर्णय गरेको थियो। जसमा ३ टिमले एकदिवसीय मान्यता पाइसकेका छन्। डब्लुसिएल च्याम्पियनसिपको विजेताले नेदरल्यान्ड्सले स्वत: एकदिवसीय मान्यता पाएको थियो। स्कटल्यान्ड र युएईले सुपर–६ मा स्थान पक्का गर्दै एकदिवसीय मान्यता पक्का गरिसकेका छन्।
अब नेपाल र हङकङ मध्ये एक टिमले एकदिवसीय मान्यता पाउनेछ। नेदरल्यान्ड्स विरुद्धको जारी खेलमा हङकङ पराजित भए हङकङले एकदिवसीय मान्यता गुमाउनेछ। हङकङ पराजित भए नेपालले स्वत: एकदिवसीय मान्यता पाउनेछ। हङकङ विजयी भएमा नेपाल र हङकङबीच शनिबार सातौं स्थानका लागि प्रतिस्पर्धा हुनेछ। जित हात पार्ने टिमले एकदिवसीय मान्यता पाउनेछ।
एकदिवसीय मान्यता नपाउने २ टिम डिभिजन–२ झर्ने आइसिसीले जनाएको छ। जस अनुसार पिएनजी डिभिजन–२ मा झरेको छ। अब नेपाल र हङकङ मध्ये एक टिम डिभिजन–२ मा झर्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
