नुवाकोटका चार दर्जन बालुवा प्रशोधन उद्योग बन्द गर्न निर्देशन

ब्लग

नेपाल लाइभ बुधबार, फागुन ३०, २०७४ १४:०१

नुवाकोट- यहाँ सञ्चालनमा रहेका बालुवा प्रशोधन उद्योग (फिरफिरे) मापदण्ड विपरीत पाइएपछि बन्द गर्न उद्योग विकास शाखाले पत्र काटेको छ।

उद्योग विकास शाखाको आयोजनामा जिल्ला अनुगमन समितिको संयुक्त टोलीले गरेको अनुगमनमा बेलेकोटगढी नगरपालिकाभित्रका ४७ फिरेफिरे उद्योग सबै बन्द गर्न निर्देशनको पत्र उद्योगीलाई दिइएको शाखाका निर्देशक विजय भट्टराईले जानकारी दिए।

अनुगमनको पहिलो दिन बेलकोटगढी नगरपालिका अन्तर्गत वडा नं. ५, ७ र ९ मा रहेका फिरेफिरेको अनुगमनमा सबै मापदण्डविपरीत पाइएकाले बन्द गराउन उद्योग शाखामार्फत कारबाही सुरु गरेको प्रमुख जिल्ला अधिकारी वीरेन्द्र यादवले बताए।

कच्चा सामाग्री धादिङ जिल्लाको खानी देखाएर यहाँ दर्ता भए पनि कुनै पनि उद्योगले त्यसको पालना नगरेको अनुगमनमा पाइएको छ।

जिल्लामा अवैध उत्खनन गरी खानी सञ्चालन गर्ने र बालुवा प्रशोधनपछिको पानी सिधै नदीमा मिसाउने उद्योग मापदण्ड पूरा नगरी सञ्चालन गर्न रोक लगाइएको जिल्ला प्रहरी प्रमुख वसन्त कुँवरले बताए।

यहाँ रहेका फिरफिरे उद्योग अवैधरुपमा सञ्चालनमा रहेको तथा त्रिशूली लगायतका नदीमा धमिल्याएर प्रदूषण गरेको गुनासोपछि जिल्ला अनुगमन टोलीले संयुक्तरुपमा स्थलगत अनुगमन सुरु गरेको हो। (रासस)

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित