काठमाडौं– युनिभर्सिटी कप क्रिकेट प्रतियोगिताअन्तर्गत गोल्डेनगेट कलेज र डिएभी कलेजले सेमिफाइनलमा स्थान पक्का गरेका छन्।
गोल्डेनगेटले बुधबार भएको खेलमा जनता कलेजलाई ६२ रनले पराजित गर्दै अन्तिम चारमा स्थान पक्का गरेको हो।
टस जितेर पहिले ब्याटिङ गरेको गोल्डेनगेटले २० ओभरमा ५ विकेटको क्षतिमा सय ७१ रन जोड्यो। गोल्डेनगेटका लागि भुपेन्द्र थापाले सर्वाधिक ५७ रन प्हरार गरेर उनले ४५ बलमा ३ चौका र ४ छक्का हिर्काए। रविकुमार साहले नटआउट ४२ रन जोड्दा सन्जय श्रेष्ठले पनि ४२ रनन बटुले।
१ सय ७२ रनको लक्ष्य पछ्याएको जनताले २० ओभरमा ४ विकेटको क्षतिमा १ सय ९ रन मात्र जोड्न सक्यो। जनताका लागि अंकित आरजेले २६ रन जोड्दा निराजन केसी पनि नटआउट २६ रन जोडे।
बलिङतर्फ रविकुमार साहले २ विकेट लिए। ब्याटिङमा पनि राम्रो प्रदर्शन गरेका उनी खेलको म्यान अफ दि म्याच भए।
अर्को खेलमा डिएभीले शंकरदेवलाई ८ विकेटले हरायो। पहिले ब्याटिङ गरेको शंकरदेवले ५ विकेटको क्षतिमा १ सय ६८ रन जोड्यो। शंकरदेवका लागि प्रदीप ऐरीले नटआउट ५० रन जोडे। सुनील धमाला र आयुस्मान बमले समान ४४-४४ रन जोडे।
१ सय ६९ रनको लक्ष्य डिएभीले २ विकेटको क्षतिमा १५.३ ओभरमा पूरा गर्यो। डिएभीको जितमा अदिल खानले ७७ रन जोडे। खानले २० बलमै अर्धशतक पूरा गरेका थिए। उनले ३५ बलमा ५ चौका र ६ छकका प्हरार गरे। सुमित महर्जनले नटआउट २८ र सन्जय बस्नेतले नटआउट ३६ रन बटुले। खेलको म्यान अफ दि म्याच अदिल खान भए।
बिहीबारका २ खेलसँगै सेमिफाइनल समिकरण पूरा भएको छ। शुक्रबार हुने सेमिफाइनलमा टीयु र कसमस तथा शंकरदेव र गोल्डेनगेटबीच प्रतिस्पर्धा हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
