सागमा नेपालको तर्फबाट पदक जित्ने खेलाडीलाई उपराष्ट्रपतिकाे बधाई

स्पोर्टस लाइभ

नेपाल लाइभ बुधबार, मंसिर २५, २०७६ ०६:५७

काठमाडाैं- उपराष्ट्रपति नन्दबहादुर पुनले १३औं दक्षिण एशियाली खेलकूद (साग) भव्य रुपमा सम्पन्न भएकोमा खुसी व्यक्त गर्दै नेपालको तर्फबाट पदक जित्ने खेलाडीहरुलाई बधाई दिएका छन्।

उपराष्ट्रपति पुनले बधाई सन्देश जारी गर्दै ५१ स्वर्ण, ५९ रजत र ९२ कास्य गरी कूल दुई सय २ पदक जितेर नेपालकाे शीर उचो पार्ने खेलाडी, प्रशिक्षक, व्यवस्थापक र खेल सम्बद्ध पदाधिकारीमा उनले बधाईसहित धन्यवाद व्यक्त गरेका छन्।

उपराष्ट्रपति पुनले बधाई सन्देशमा भनेका छन्, 'दक्षिण एसिया र विश्व जगतमा नेपालको शीर उचो हुने गरी सागको १३औं संस्करण ऐतिहासिक रुपमा सम्पन्न गरेकोमा नेपाल सरकार, युवा तथा खेलकूद मन्त्रालय, राष्ट्रिय खेलकूद परिषद्, सुरक्षा निकाय, कर्मचारी, खेलकूद पदाधिकारी र सम्बद्ध सबैमा धन्यवाद ज्ञापन गर्दछु।'

१३ औं सागको समापन १४ औँ सागको तयारी पनि हो भन्दै उपराष्ट्रपति पुनले पाकिस्तानमा हुने सागको आगामी संस्करणमा नयाँ किर्तिमानी हासिल गर्ने लक्ष्यका साथ सरकार र सम्बन्धित निकाय तयारीमा जुट्ने अपेक्षा लिएको बताए। उनले सागमा पदक बिजेता खेलाडीहरुलाई सरकारले उचित सम्मान गर्ने विश्वास लिएकाे बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

८० लाख युवा बाहिर छन्, श्रम मन्त्रालयले कामै गरेन – सांसद शाही

अमेरिकाद्वारा युएनएफपीएको १८० मिलियन डलर कटौती, मातृ स्वास्थ्य क्षेत्रमा असर पर्ने

सुन तोलामा सामान्य अंकले घट्यो, कतिमा हुँदैछ कारोवार ?