काठमाडौं- आइसिसी एकदिवसीय विश्वकप छनोट निर्णायक खेलमा अन्तर्गत हङकङले नेपाललाई १ सय ५४ रनको लक्ष्य* दिएको छ। बुलावायो मैदानमा टस जितेर पहिले ब्याटिङ गरेको हङकङ ४८.२ ओभरमा १ सय ५३ रनमा अलआउट भयो।
हङकङलाई सामान्य योगफलमा रोक्ने क्रममा नेपालका सन्दीप लामिछानेले ३ विकेट लिए। सन्दीपले हङकङका अंशुमान राथ, शाहिद वासिप आइजाज खानलाई पेभेलियन फर्काएका थिए।
बसन्त रेग्मी र करण केसीले २–२ विकेट लिए। सोमपाल कामी र ललित राजवंशीको नाममा १-१ विकेट रह्यो। हङकङका प्रारम्भिक ब्याट्सम्यान क्रिस्टोफर कार्टर ९ रनको स्थितिमा बसन्तको बलमा बोल्ड भएका थिए। हङकङका कप्तान बाबर हयात तीव्र रन बनाउने होडमा सोमपाल कामीको हातबाट कट एन्ड बोल्ड हुन पुगे। आउट हुनुअघि उनले १ छक्का र ३ चौकाको मदतमा २० रन जोडे। उनले प्रारम्भिक ब्याट्सम्यान निजाकत खानसँग मिलेर २९ रनको साझेदारी गरे।
बाँकि ५ रन जोड्दा हङकङले आफ्ना २ विकेट गुमाएको थियो। मध्यक्रमका ब्याट्सम्यानद्वय अन्सुमन राठ र साहिद वासिफ समान १-१ रनमा पेबेलियन फर्किएपछि हङकङ दबाबमा आएको थियो। लेग स्पिनर सन्दीप लामिछानेले राथलाई विकेटकिपर अनिलकुमार शाहको हातबाट स्टम्पिङ गराए। त्यस्तै वासिफ पनि लामिछानेको एलबिडब्लुको धरापमा परे।
त्यसपछि मैदान छिरेका सिमान्दिप सिंहलाई ज्ञानेन्द्र मल्लले ३ रनको व्यक्तिगत स्कोरमा पेबेलियनको बाटो देखाए। सिंह रनआउट भएका हुन्। छैटौँ विकेटका रुपमा हङकङका प्रारम्भिक ब्याट्सम्यान निजाकत खान ४७ रनको व्यक्तिगत स्थितिमा आउट भए। उनी अर्धशतक बनाउनबाट मात्र ३ रनले चुके। नेपालका लागि खतरनाक हुनसक्ने अनुमान गरिएका खानलाई ललित राजवंशीले पारस खड्काको हातबाट क्याच आउट गराएका हुन्।
*आइसिसीले लक्ष्य सच्याएको
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
