काठमाडौं- प्रधानन्यायाधीश गोपाल पराजुलीले आफ्नै पुर्ण इजलाश सर्वोच्चका न्यायाधीश चोलेन्द्र सम्सेर राणाले बहिस्कार गरेपछि त्यसबारे निर्णय गर्न फुलकोर्ट बैठक बोलाएका छन्।
सर्वोच्च प्रशासन स्रोतका अनुसार राणाको कदम न्यायिक इतिहासमा गलत भएकाले त्यसबारे अन्य न्यायाधीशको धारण बुझ्न प्रधानन्यायाधीश पराजुलीले फुलकोर्ट बैठक डाकेका हुन्।
सर्वोच्चमा जारी फुलकोर्ट बैठकमा राणा बाहेक अन्य न्यायाधीश सहभागी भएका छन्। न्यायाधीश राणा आजै विहान आफ्ना धारणा सार्वजनिक गर्दै अदालत परिसरबाट बाहिरिएका थिए।
डा गोविन्द केसी र कान्तिपुर दैनिकको अवहेलना मुद्दा चलिरहँदा राणाले प्रधानन्यायाधीश पराजुलीसँग सँगै बसेर मुद्दा हेर्न नसक्ने धारणा सुनाएका थिए।
राणाले दुई पेज लामो धारणामा पराजुलीले गत साउनमै अवकाश पाएको दाबी गरेका छन्।
सर्वोच्च प्रशासन स्रोतका अनुसार फुलकोर्टको बैठकपछि सर्वोच्च प्रशासनलले आजै राणा विरुद्ध अवहेलना मुद्दा अघि बढाउन सक्ने सम्भावना छ। प्रधानन्यायाधीश पराजुलीले सर्वोच्च प्रशासनका कर्मचारीलाई अवहेलनाको टिप्पणी उठाउने आदेश समेत दिएका छन्। कानुन व्यवसायी मार्फत समेत राणा विरुद्ध अवहेलना मुद्दा दर्ता हुन सक्ने सर्वोच्च प्रशासनले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
