कोलम्बो (एजेन्सी)– श्रीलंकाको स्वतन्त्रता दिवसको अवसरमा भइरहेको त्रिकोणात्मक टि–२० क्रिकेट प्रतियोगितामा सोमबार भारतविरूद्धको खेल अगाडि घरेलु टोली श्रीलंकालाई नराम्रो झट्का लागेको छ। श्रीलंकाली कप्तान दिनेश चान्डिमल अगामि दुई खेलका लागि निलम्बित भएका छन्।
चान्डिमललाई बंगलादेशविरूद्ध शनिबार भएको खेलमा निर्धारित समयमा ओभरको कोटा पुरा नगरेको आरोपमा दण्डित गरिएको हो। उनले यो वर्ष फेरि गल्ती गरेको खण्डमा उनलाई ६ देखि ८ खेलसम्मको निलम्बन हुन सक्छ।
उनको पारिश्रमिकबाट २० प्रतिशत म्याच फि पनि कट्टा हुनेछ। आइसिसी म्याच रेफ्री क्रिस ब्राडले खेलाडीको सपोर्ट स्टाफसम्बन्धि आचारसंहिता उल्लङ्घन गरेको आरोपमा उनलाई निलम्बन गरेको बताएका छन्। उनले थप एक टेस्ट, दुई एकदिवसीय पनि खेल्न पाउने छैनन्।
यो प्रतियोगिताको फाइनल मार्च १८ मा हुँदैछ। श्रीलंका फाइनलमा पुगेको खण्डमा उनी खेलमा फर्किने छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
