एजेन्सी– दक्षिण अमेरिकी क्षेत्रको सबैभन्दा ठूलो फुटबल प्रतियोगिता कोपा अमेरिकाको ड्र सार्वजनिक भएको छ।
गएराति सार्वजनिक भएको ड्र अनुसार यस प्रतियोगितामा कुल १२ देशले सहभागिता जनाउने छन् । जसमा १० टोली अमेरिकी महादेशका हुनेछन् भने २ टोलीले आगन्तुकको रुपमा कोपा अमेरिकामा सहभागिता जनाउने छन्।
आगन्तुक टोलीको रुपमा अष्ट्रेलिया र कतारले कोपा अमेरिका २०२० मा सहभागिता जनाउने छन्।
यसपटक साउथ जोन (समूह ए) र नर्थ जोन (समूह बि) गरेर दुई समूहमा १२ टोलीलाई बाँडिएको छ।
समूह ए मा बलिया टोलीहरु रहेका छन् । समूहमा ‘ए’ मा स्टार स्ट्राइकर लियोनल मेस्सीको अर्जेन्टिना, चिली, पाहुना टोली अष्ट्रेलिया, बोलिभिया, उरुग्वे, पाराग्वे छन्।
त्यस्तै समूह ‘बि’ मा कोलम्बिया, ब्राजिल, पाहुना टोली कतार, भेनेजुएला, इक्वेडर र पेरु छन्।
एक समूहबाट ४ वटा टिम नक आउट चरणमा प्रवेश गर्नेछन्।
प्रतियोगिता २०२० को जुन १२ बाट सुरु भएर जुलाई १२ मा सकिने छ। अर्जेन्टिना र कोलम्बियाले संयुक्त रुपमा आयोजना गदै छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।