पोखरा- १३ औं साग अन्तरगतको ब्याडमिन्टनको व्यक्तिगत ईभेन्टमा खराब प्रदर्शन गरेका नेपाली खेलाडीले डबल्स र मिक्स स्पर्धामा सुधारिएको प्रदर्शन गरेका छन्। बिहानी सत्रको खेलका सबै सेट गुमाएका नेपाली खेलाडीले दिवा सत्रका खेलमा सुधारिएको प्रदर्शन गर्दै जित निकालेका हुन्।
मंगलबार भएका १६ औं राउण्डका खेलमा पुरुष डबल्सतर्फ नेपालका प्रिन्स दाहाल र प्रफुल्ल महर्जनले जित निकाल्दै क्वाटरफाइनल प्रवेश गरेका छन्। यो जोडीले पाकिस्तानका मुकित ताहिर र अवाइज जाहिदको जोडीलाई ३–१ को सेटमा हराएको हो।
यसैगरी महिला डबल्समा जेसिका गुरुङ र रसिला महर्जनको जोडी पनि क्वाटरफाइनलमा प्रवेश गरेको छ। उक्त जोडीले पाकिस्तानकै शेरा अक्रम र जावेद हुमाको जोडीलाई २–१ को सेटमा पराजित गर्यो।
यस्तै मिक्स डबल्समा नेपालका विकास श्रेष्ठ र अनुमाया राईले पनि क्वाटरफाइनलमा स्थान सुरक्षित गरे। सो जोडीले पाकिस्तानका राजा मोहम्मद हसिन र शेरा अक्रमको जोडीलाई २–१ को सेटमा हराएको हो।
डबल्स र मिक्स डबल्स बाहेक सिंगलमा नेपालले अपेक्षा अनुसारको प्रदर्शन गर्न सकेन सिंगल्सतर्फ कुनै पनि नेपाली खेलाडीले जित निकाल्न सकेनन्।
नेपालका दिपेश धामी, रसिला महर्जन, नङ्सल तामाङ पाकिस्तानका मुरद अलि, श्रीलंकाकी ए. रत्नसिरि कपुरु मुद्दियानसेलेज, भारतकी गायत्री गोपिचन्दसँग २–१ को सोझो सेटमा पराजित भएका थिए।
मंगलबारै भएको प्रतिस्पर्धाबाट श्रीलंकाका दिनुका निसान परेरा करुणारत्ने, दिल्मी डायस सिंगल तर्फ भने आर. करुणाथिलेक र के. सिरिमांगेको जोडी मिक्स डबल्समा क्वाटरफाइनलमा पुगेको छ।
उनीहरुले बंगलादेशका मोहम्मद सलमान खान, नेपालकी रसिला महर्जन तथा बंगलादेशकै शुभो खण्डकार र बृष्टि खातुनको जोडीलाई पराजित गरेका हुन्।
यसैगरी पुरुष सिंगलतर्फ भारतका आर्यमान टण्डनले पाकिस्तानका अमिद जाहिदलाई ३–१ को सेटमा पराजित गरे। महिला सिंगलतर्फ भारतकै गायत्री गोपिचन्दले नेपालकी रसिला महर्जनलाई सोझो सेटमा पराजित गरिन् भने पुरुष डबल्सतर्फ भारतकै कृष्णप्रसाद गर्ग र ध्रुब कपिलाले बंगलादेशका शुभो खण्डाकेर र तुसहर कृष्ण रायको जोडीलाई २–१ को सेटमा पराजित गरेको हो।
महिला डबल्सतर्फ जेसिका गुरुङ र रसिला महर्जनको जोडीले पाकिस्तानका सेरा अक्रम र जावेद हुमाको जोडीलाई २१–९ र २१–१७ को सोझो सेटमा पराजित गरे। अर्को खेलमा भारतका एम जाकमपुदी र एस नेलाकुर्तीको जोडीले मालदिभ्सका निला अहमद नाजिव र मिसा फत्तुल्लाहको जोडीलाई २१–११ र २१–१० को सोझो सेटमा पराजित गरे।
अर्को खेलमा बंगलादेशका वृष्टि खातुन र रहेना खातुनको जोडीले नेपालको अमिता गिरी र अनुमाया राईको जोडीलाई २१–१४, २१–२३ र २१–१६ को सेटमा पराजित गरे। त्यस्तै भारतका कुहु गर्ग र अनुस्का परिखको जोडीले भुटानको सम्झना गुरुङ र फुन्ट्सो छोदेन थिङको जोडीलाई २१–८, ११–० मा रिटायर्ड हट गराए।
यसैगरी श्रीलंकाको ए रत्नासिरी कापुरु र यूको जोडीले पाकिस्तानका पल्वासा बसिर र महुर साहजादको जोडीलाई २१–१० र २१–९ को सोझो सेटमा पराजित गरे।
मिक्स डबल्सतर्फ श्रीलंकाका आर करुणतिलके र के श्रीमांगेको जोडीले बंगलादेशका शुभ खण्डेकर र वृष्टि खातुनको जोडीलाई २१–११ र २१–१३ को सेटमा पराजित गरे। अर्को खेलमा भारतका सुमित रेड्डी र सिक्की रेड्डीको जोडीले वाकओभर दिएपछि पाकिस्तानका मोहम्मद अतिक र गाजला सिद्धिकीको जोडी क्वाटरफाइलनमा प्रवेश ग¥यो।
अर्को खेलमा बंगलादेशका मोहम्मद सलमान खान र उर्मी अख्तरको जोडीले भुटानका कर्मा चेन्द्रु र फुन्ट्सो छोदेन थिङको जोडीलाई २१–१७ र २१–६ को सोझो सेटमा पराजित गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770527955.jpg)
-1764146706.png)
