काठमाडौं- १३ औ साग खेलकुदमा दौडतर्फ मिलिसेकेन्डले नेपालकी सन्तोषी श्रेष्ठले स्वर्ण जितिन्। भारतका खेलाडीलाई मिलिसेकेन्डले पछि पार्दै उनले उपाधि जितेकी हुन्।
३५.७९४ मा सन्तोषीले १० हजार मिटर दौड पुरा गरेकी थिइन् भने उनकी प्रतिस्पर्धी भारतीय खेलाडीले ३५.७९५ सेकेन्डमा लक्ष्य पुरा गरेकी थिइन्। थोरै अन्तरले स्वर्ण जितेपछि पत्रकारसँग कुरा गर्दै सन्तोषीले यो उपाधी दुई वर्षको मेहनत र सबैको हौसलाका कारण जित्न सफल भएको बताइन्।
‘म हरेक दिन यही लक्ष्यका साथ दौडिरहेको थिएँ,’ उनले भनिन्, ‘आज सागको यो सपना पुरा गर्न सफल भएको छु। विद्यालयमा अध्ययन गर्दादेखि नै दौडदै आएकी सन्तोषीले आज आफ्नो लक्ष्य पुरा भएको बताइन् ।
विद्यालयमा हुँदा १५ सय मिटर दौडमा भाग लिएर १३ वर्षमा पुरस्कार जितेको स्मरण गर्दै उनले आजको सफलता दाई केदार श्रेष्ठ, कोच रघुराज पन्त र एपीएफ क्लबलाई धन्यवाद दिइन्। विद्यालयमा हुँदा वर्षमा एकपटक खेल्ने भए पनि अहिले नियमित अभ्यास हुँदा आफूलाई यो लक्ष्य पाउन सफल भएको उनको भनाइ छ। ९ वर्षदेखि काठमाडौमा दौडन थालेकी सन्तोषी २६ वर्ष हुँदा उपाधि जित्न सफल भएकी हुन्।
अबको लक्ष्य भनेको एथेलिटिक्सलाई अगाडि बढाउनै भएको उनले बताइन्।
‘आमा बुबाको आर्शिवाद र मायाले म यो उपाधि जित्न सफल भएको छु,’ उनले भनिन्, ‘मेरो कोच रघुराज पन्तले मलाई जित्ने प्रेरणा दिनु भयो ।’
पढाइ, जागिर र सागलाई मिलाउन आफूलाई धेरै समस्या भएको सम्झँदै उनले सागका लागि आफूले जागिर स्थगित गरेको बताइन् । पढाई पनि सँगै लैजानु पर्ने वाध्यताका कारण केही समस्या भएको तर अब खेलकुदभन्दा पर आफूले नसोचेको उनले बताइन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770478002.png)
-1764146706.png)
