काठमाडाैं- १३ औं दक्षिण एसियाली खेलकुद (साग)मा यातायात व्यवस्थालाई मध्यनजर गर्दै उपत्यकामा जोर विजोर प्रणाली लागू गरिएकाे छ। जोर विजोर प्रणाली अनुसार आज विजोर नम्वर प्लेट भएका सवारी साधान मात्र गुड्न पाउने छन्।
महानगरीय ट्राफिक प्रहरी महाशाखाले सागको उद्घाटन दिन आज र समापनको दिन मंसिर २४ गते उपत्यकामा जोर/विजोर प्रणाली लागू गरेकाे हाे। दुई दिन चक्रपथभित्र चल्ने सबै निजी तथा सार्वजनिक सवारीमा जोर विजोर प्रणाली लागू गरेको हो।
ट्राफिक प्रहरीले तोकेको क्षेत्रमा जोर नम्वर प्लेट भएका सवारी चलाए कारबाहीमा हुनेछ। त्यस्तै सागको समापन २४ गते भने जोर सवारी चल्ने महाशाखाले जानकरी दिएको छ। यो नियम अत्याआवश्यक सवारीहरु दमकल, एम्बुलेन्स, पानी बोकेका सवारी लगायतमा भने लागू हुने छैन।
महाशाखाले सागको ट्राफिक व्यवस्थापनलाई चुस्त र सुरक्षित बनाउन ठूला मालबाहक सवारीसाधन रिङराेडभित्र प्रवेश नगराइदिन चालकलाई अनुरोधसमेत गरेको छ। महाशाखाले दशरथ रङ्गशाला वरिपरिका सडकाे सकभर प्रयोग नगरी वैकल्पिक तथा भित्री सडकको प्रयोग गर्न, पुराना सवारीसाधन नचलाउन, तोकिएको ठाउँमा पार्किङ गर्न, ट्राफिकसम्बन्धी समस्या भएमा प्रहरीको हटलाइन नं १०३ मा सम्पर्क गर्न र ट्राफिक नियम पालना गर्न सूचनामार्फत् सर्वसाधारणलाई अपिल गरेको छ।
यस्तै सागको खेल अवधिभर सञ्चारकर्मीका लागि सवारीसाधान पार्किङको व्यवस्था गरिएकाे छ। त्रिभुवन आर्मी अफिसर्स क्लबमा सवारीसाधान पार्किङकाे व्यवस्था गरिएको महानगरीय ट्राफिक प्रहरी महाशाखाले जनाएको छ। मंसिर १५ गतेदेखि मंसिर २४ गतेसम्मका लागि उक्त व्यवस्था गरिएको हो।
यस्तै खेल अवधिमा दशरथ रंगशाला क्षेत्रमा सवारी चाप बढ्नसक्ने भन्दै प्रहरीले खेल अवधिभर यातायात आवागमनमा पनि नयाँ व्यवस्था गरेको छ। शहिद गेटबाट त्रिपुरेश्वरतर्फ सवारीसाधन जान पाउने तर त्रिपुरेश्वरबाट सुनधारातर्फ सवारीसाधन जान नपाउने गरी वान वे कायम गरिएको ट्राफिक प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
