काठमाडौं- निदाहास टी ट्वान्टी ट्राई सीरीजको पहिलो खेलमा भारत पराजित भएको छ। पहिलो खेल श्रीलंकाले ५ विकेटले जितेको छ।
श्रीलंकाले टस जितेर फिल्डिङ रोजेको खेलमा भारतले १ सय ७४ रन बनाएको थियो। कप्तान रोहित शर्मा शून्य रनमै आउट भएका थिए। भारतका लागि शिखर धवनले सर्वाधिक ९० रन बनाएका थिए। अन्य ब्याट्सम्यानले राम्रो खेल्न नसक्दा भारतले बलियो लक्ष्य दिन सकेन।
श्रीलंकाका लागि कुसल परेराले बिष्फोटक इनिङ खेले। उनले ३७ बलमा ६६ रन बनाए। १८.३ ओभरमा श्रीलंकाले लक्ष्य पुरा गर्याे। जितका लागि श्रीलंकाका तिसेरा परेराले १० बलमा नटआउट २२ रन जोडे।
श्रींलका, भारत र बंगलादेशबीच निदाहास टी ट्वान्टी ट्राई सिरिज सुरु भएको हो। प्रतियोगितामा भारतका नियमित कप्तान विराट कोहलीसहित केही मुख्य खेलाडीलाई समाबेश गरिएको छैन।
टी ट्वान्टीमा भारतविरुद्ध लगातार ७ वटा खेलमा पराजयपछि श्रीलंकाले जित हात पारेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
