पेरिस– फेन्च क्लब पेरिस सेन्ट जर्मेन (पिएसजी) का ब्राजिलियन स्टार नेइमार घाइते भएका छन्।
आइतबार राति फेन्च लिग वान अन्तर्गत मार्सेलीविरुद्धको खेलमा नेइमार घाइते भएका हुन्। खेलको ८० मिनेटमा मार्सेलीका बाउना सारसँग ठोक्किएपछि नेइमार घाइते हुँदै मैदान छाड्न बाध्य भएका थिए। उनको गोलिगाँठो समस्या देखिएको हो। योसँगै नेइमार च्याम्पियन्स लिग अन्तर्गत रियल म्याड्रिड विरुद्ध मार्च ६ मा हुने खेलमा फिट हुनेमा शंका बढेको छ। यसअघि भएको अन्तिम १६ को पहिलो लेगमा रियलले पिएसजीलाई ३–१ गोलले हराएको थियो।
पिएसजीका कप्तान थिएगो सिल्भाले नेइमार घाइते हुनु क्लबका लागि ठूलो घाटा भएको बताए। उनले बुधबार हुने फेन्च कपको खेलमा नेइमार उपस्थित हुने आशा व्यक्त गरे। क्लबले पनि नेइमार घाइते भएको पुष्ट गरेको छ। तर नेइमार कति समयपछि मैदान फर्कने अझै स्पष्ट पारिएको छैन।
नेइमार घाइते भएपछि पिएसजीले ३–० गोलको जित निकाल्यो। पिएसजीका लागि एमबाप्प र काभानीले १–१ गोल गरे। एक गोल भने पिएसजीले आत्मघातीको रुपमा पायो। जितपछि पिएसजीले २७ खेलबा६ ७१ अंक जोडेको छ। दोस्रो स्थानको मोनाकोको ५७ तथा तेस्रो स्थानको मार्सेलीको ५५ अंक छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
