धनगढी– प्रधानमन्त्री कप महिला राष्ट्रीय क्रिकेट प्रतियोगीताको उपाधिको लागी पूर्वाञ्चल र एपिएफ भिड्ने भएका छन्।
शनिबार भएका सेमीफाइनलमा जित निकाल्दै दुवै टिमउपाधी नजिक पगेका हुन्। पूर्वाञ्चलले मध्यमाञ्चललाई ५३ रनले पराजीत गरेको हो भने एपिएफले घरेलु टोली सुदुरपश्चिमलाई ८१ रनले हराउँदै उपाधि भिडन्त पक्का गरेको हो।
टस जितेर व्याटिङ गरेको पूर्वाञ्चलले काजोल श्रेष्ठको अविजीत ५५ रनको मदतले २ विकेट गुमाउँदै १ सय १९ रन बनायो। पूर्वाञ्चलका लागि अप्सरी बेगमले ३२ र कपतान रुवीना क्षेत्रीले अविजीत रहदै १४ रन बनाइन। काजोल र अप्सरीबीच तेश्रो विकेटका लागि ८६ रनको साझेदारी भएको थियो। मध्यमाञ्चलकी रोजी कडारीले १ विकेट लिइन।
१ सय २० रनको विजयी लक्ष्य सहित मैदा उत्रिएको मध्यमाञ्चलले २० ओवरमा सबै विकेट गुमाउदै ६६ रन मात्रै बनाउन सक्यो। मध्यमाञ्चलका लागी कञ्चन श्रेष्ठले २१ र सीता श्रेष्ठले १७ रन जोडे। पूर्वाञ्चलकी कप्तान रुवीना क्षेत्रीले ४ ओभरमा एक मेडन राख्दै ६ रन दिएर ३ विकेट लिइन। सब्नव राई, सन्तोषी चौधरी र संगिता राईले समान १-१ विकेट लिइन्। खेलको प्लेयर अफ द म्याच पुर्वाञ्चलकी काजोल श्रेष्ठ भइन्।
शनिबार नै भएको दोश्रो सेमिफाइनलमा टस हारेर व्याटिङको निम्तो पाएको एपिएफले २० ओभरमा ४ विकेटको क्षतिमा १ सय ३१ रन बनायो। एपिएफका लागि सीता रानामगरले ५१, सरीता मगरले ३७ र ज्योती पाण्डेयले १८ रन बनाए। ज्योती र सीताबीच पहिलो विकेटका लागि ६१ रनको साझेदारी गरे भने सीता र सरीता विच दोश्रो विकेटका लागि ४० रनको साझेदारी भएको थियो। सुदुरपश्चिमका लागि सुमन विष्ट, लक्ष्मी साउद र निशा भट्टले समान १औ१ विकेट लिए।
१ सय ३२ रनको विजयी लक्ष्य सहित मैदान उत्रिएको सुदूरपश्चिम १९ ओभरमा सबै विकेट गुमाएर ५१ रन मात्रै बनाउनसक्यो। सुदूरपश्चिमका लागी निशा भट्टले ११ रन बनाउन बाहेक अन्यले दोहोरो अंक छुन सकेनन्। सुदुरपश्चिमलाई सस्तैमा समेट्ने क्रममा एपिएफकी सीता मगर र करुण भण्डारीले समान ३-३ विकेट लिए भने अन्जली चन्दले २ तथा सिता रानामगरले १ विकेट लिइन। खेलको प्लेयर अफ द म्याच सिता राना मगर भईन्।
फाइनल खेल भोलि फाप्ला क्रिकेट मैदानमा हुने छ। प्रतियोगिताको विजेताले पाँच लाख तथा उप–विजेताले दुई लाख रुपैयाँ पुरस्कार प्राप्त गर्ने छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
