काठमाडौं– नेपाली फुटबल टिमका पूर्व प्रशिक्षक स्टिफन कन्स्टेनटाइनको अनुबन्ध सम्झौता भारतले पुनः विस्तार गरेको छ। उनको सम्झौता अघिल्लो वर्ष एएफसी एसिया कपपछि पनि जारी रहने छ। भारतीय टिम अघिल्लो वर्ष एसिया कपमा भाग लिदैछ।
कन्स्टेनटाइन लामो समयदेखि भारतीय फुटबलमा आवद्ध छन्। सन् १९९९ को साफ गेम्समा नेपालको प्रशिक्षक बनेका कन्स्टेनटाइन यसपछि भारतीय टोलीसँग आवद्ध भएका थिए।
प्रशिक्षक कन्स्टेनटाइनले आफ्नो ब्लगमा लेखेका छन्, ‘भारतीय फुटबलसँग दोस्रो पल्ट अनुबन्ध सम्झौता विस्तार गरेर एक पल्ट फेरि लामो समयका लागि टिमसँग जोडिएको छुँ। मलाई निकै गर्व छ। यो समय विशेष छ। हामी एसिया कपका लागि छनोट भएका छौं र एसएएफएफ प्रतियोगिता जित्यौं र भारतीय टोलीलाई इतिहासको सबैभन्दा उच्च वरियतामा पुर्यायौँ।’
उनले फिफामा भारतको ९६ औं वरियतालाई सबैभन्दा ठूलो उपलब्धि बताएका छन्। यसअघि भारतीय फुटबल संघ र कन्स्टेनटाइनबीच पारिश्रमिकलाई लिएर बहस भएको थियो। त्यो मुद्धा अहिले सल्टिएको छ। भारतीय टोलीसँग उनको सम्झौता २०१८ को अन्त्यमा समाप्त हुन्छ। उनी लामो समय भारतीय टोलीमा विदेशी प्रशिक्षक बन्ने इतिहास बनाउन सफल भएका छन्। उनी २००२–०५ र २०१५–१९ सम्म प्रशिक्षक पदमा कार्यरत रहने छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1768395492.png)
