धनगढी- बुधबारदेखि सुरु भएको प्रधानमन्त्री कप महिला राष्ट्रिय क्रिकेट प्रतियोगितामा सुदूरपश्चिम र विभागीय टोली एपीएफले विजयी सुरुवात गरेका छन्। उद्घाटन खेलमा सुदूरपश्चिमले पश्चिामचललाई ५ विकेटले हरायो। अर्को खेलमा एपिसएफले मध्यपश्चिमलाई १० विकेटले पराजित गर्यो।
धनगढीको फाप्ला त्रिकेट मैदानमा भएको पहिलो खेलमा टस जितेर ब्याटिङ रोजेको पश्चिमाञ्चल २० ओभर खेल्दै ९ विकेटको क्षतीमा ७३ रन बनायो। पश्चिमाञ्चलका लागि वर्षा रानाले १४ र सरस्वती पुनले १० रन बनाउनु बाहेक अन्यले दोहोरो अंक समेत छुन सकेनन्। पश्चिमाञ्चललाई सस्तैमा समेट्ने क्रममा सुदुरपश्चिमकी लक्ष्मी साउदले ३ र कविता जोशीले २ विकेट लिइन्।
७४ रनको विजयी लक्ष्य सहित मैदान उत्रिएको सुदूरपश्चिमले १७ दशमलव १ ओभरमा ५ विकेट गुमाउदै लक्ष्य पार गर्यो। सुदुरपश्चिमका लागि विमला भट्टले १८ र कप्तान मञ्जु वोगटीले १२ रन बनाइन् । पश्चिमाञ्चलकी सरस्वती पुनले ३ विकेट लिईन् । खेलको वुमेन अफ द म्याच सुदूरपश्चिमकी लक्ष्मी साउद भइन्।
दोश्रो खेलमा टस जितेर व्याटिङ गरेको मध्यपश्चिम १८ दशमलव ४ ओभरमा ३६ रनमा अलआउट भयो। मध्यपश्चिमले १० रन अतिरिक्त पाएको थियो। मध्यपश्चिमका लागि गिता गोसाईले १५ रन बनाउन बाहेक अन्य खेलाडीले दोहोरो अंक समेत छुन सकेनन् । मध्यपश्चिमलाई सस्तैमा समेट्ने क्रममा एपिएफकी रितु कनौजीयाले ४ विकेट लिइन।
३७ रनको झिनो लक्ष्य सहित मैदान उत्रिएको एपिएफले ४ दशमलव ५ ओभरमा विना विकेटको क्षती लक्ष्य भेटायो । एपीएफकी ओपनर ज्योती पाण्डेले १७ र सीता रानामगरले १२ रनको योगदान दिइन्। खेलको वुमेन अफ द म्याच एपिएफकी रितु कनौजीया भइन्।
प्रतियोगिता अन्तर्गत बिहिबार मध्यामञ्चल र पश्चिमाञ्चल तथा दोश्रो खेल एपीएफ र पुर्वाञ्चलबीच हुनेछ।
तस्बिरः अविनास चौधरी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
