काठमाडौं–नियमित भर्ना र बढुवा हुन नसक्दा सशस्त्र प्रहरी बलमा करिब ५ हजार दरबन्दी रिक्त छन्। व्यक्तिका लागि अनाबश्यक दरबरन्दी थपेर बढुवा गर्ने तथा रिक्त पदहरुमा महिनौंसम्म बढुवा नगर्ने बिकृती संगठनमा बढ्दै गएको छ।
हाल सशस्त्रमा डिआईजीका ५ दरबन्दी रिक्त छन्। जसमा बढुवाको प्रक्रिया सुरु भएको छैन। बरु बरिष्ठ सई पदबाट बढुवा प्रक्रिया अघि बढाइएको छ।
सोमबार संगठनले बरिष्ठ सई पदमा बढुवा प्रक्रिया सुरु गरेको हो। बढुवा समितिले सोमबार सूचना निकाल्नै बढुवाका आकांक्षीहरुसँष् आवेदन मागेको छ।
एआईजी र डिआईजी पदमा नियमित रुपमा बढुवा भएपनि एसएसपी, एसपी तथा डिएसपी पदमा लामो समयदेखि रिक्त छन्। माथिल्लो तहबाट बढुवा गर्दा एकै पटक बढुवा गर्दा हुनेमा तल्लो तहबाट बढुवा दुई पटक बढुवा गर्नुपर्ने हुन्छ।
सशस्त्र प्रहरीमा तल्लो तहका पदमा पनि नियमित बढुवा हुन सकेको छैन।
सगठनको करिअर प्लानिङअनुसार दरबन्दी थप नहुँदा १५ वर्षसम्म एउटै पदमा काम गर्नुपर्ने अवस्था छ। जसकारण करिअर नदेखेर सशस्त्रमा राजिनामा दिनेहरुको संख्या प्रतिदिन बढ्दै छ।
एआईजीको पदस्थापन अन्योलमा
२ साताअघि बढुवा भएका सशस्त्रका ५ एआईजीको अझै पदस्थापन भएको छैन। उनीहरु प्रहरी मुख्यालयमा हाजिर गर्दै घर फर्कने गरेका छन्। बढुवा भएका एआईजीहरु जानकीराज भट्टराई, सुबोध अधिकारी, खडानन्द चौधरी, निराकारम विक्रम शाह र राजेश श्रेष्ठले जिम्मेवारी नपाएका हुन्।
प्रदेशमा खटाउने योजनासहित नयाँ दरबन्दी थपेर एआईजीको बढुवा गरिएको थियो। तर, प्रदेश सरकारमा कर्मचारीको मर्यादासँग नमिल्ने भएपछि सरकारले प्रदेशमा खटाइएकोका एआईजीहरुको दरबन्दी फाजिलमा राखिसकेको छ। सशस्त्रका एआईजीहरु भने प्रदेशमै खटिने लबिङमा छन्।
एआईजीलाई प्रदेशमै खटाउने गरी एआईजी प्रेम शाही संयोजकत्वको एक समितिले प्रस्ताव गरेपनि संगठनभित्रै विरोध भएपछि रोकिएको छ। बिहिबारमात्र नयाँ प्रधानमन्त्री नियुक्त भएको र मन्त्रीपरिषद् विस्तार भइनसकेकाले एआईजीहरुको तत्काल पदस्थापन हुने सम्भावना छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
