जितपुर- कपिलवस्तु नगरपालिका–९ मा सामुदायिक विद्युत वितरण केन्द्र सञ्चालन भएसँगै समुदायमा निकै सुविधा भएको छ।
जिल्लाको एक मात्र सामुदायिक विद्युत वितरण केन्द्र सञ्चालनसँगै विद्युत् चुहावट नियन्त्रणमा सहयोग पुगेको हो। स्थानीय उपभोक्तालाई महशुल बुझाउन, समयमै मर्मतसम्भार तथा मिटर लिन पनि सहज भएको छ।
१४ वर्षअघि समुदायस्तरबाटै विद्युत् उपभोग गर्न तथा व्यवस्थापन गर्ने नीतिका साथ यो केन्द्र सञ्चालन गरिएको थियो। यस वितरण केन्द्रअन्तर्गत विद्युत् उपभोग गर्दा लाग्ने शुल्कमा समेत सहुलियत दिइएको छ। कुनै प्राविधिक समस्या आउँदा कर्मचारी तत्कालै आउने र समयमै मिटर रिडिङ गरिँदा झन् सहज भएको स्थानीयवासीले बताएका छन्।
निग्लिहवाका कल्लु थारूले भने,‘बिग्रिँदा पनि कर्मचारी छिटो आएर बनाउँछन्, विद्युत् शुल्क पनि कम लाग्ने गरेको छ त्यसैले हामीलाई निकै सहज भएको छ।’ केन्द्रले नेपाल विद्युत् प्राधिकरणसँग एकमुष्ट रूपमा मिटर र विद्युत् खरीद गरी उपभोक्तालाई वितरण गर्ने गरेको छ।
अहिले कपिलवस्तु नगरपालिका–६ को रामापुर, ९ को कुस्मा, बैरेनी, जरलैहा, केवलपुर, चम्कीपुर, जगदीशपुर, बन्डउली, खुरखुण्डी, श्रीनगर र निग्लिहवा तथा वडा नं. १० को बिर्ताका उपभोक्ताले सो केन्द्रमार्फत विद्युत् उपभोग गर्दै आएका छन्।
उपभोक्तालाई विद्युत् वितरण गर्नका लागि श्रीनगर, जगदीशपुर, जरलैहा, चम्कीपुर, खुरखुण्डी, बन्डेउली र निग्लिहवामा नेपाल विद्युत् प्राधिकरणको मुख्य ७ वटा मिटर जडान गरी विद्युत् सप्लाइ गरिएको छ। विद्युत् वितरणका लागि एक सय केभिए क्षमताका चार र ५० केभिए क्षमताका तीनवटा ट्रान्सफर्मरसमेत राखिएको छ।
केन्द्रले हाल ७ सय ६३ घरधुरीलाई विद्युत् उपभोग गराउँदै आएको छ। केन्द्रका कार्यालय सञ्चालक जनार्दनप्रसाद बारीका अनुसार प्राधिकरणको कार्यक्षेत्रमा विद्युत् चुहावट दर २९ प्रतिशत बढी रहे पनि केन्द्रमा भने १५ देखि २० प्रतिशत मात्र चुहावट हुने गरेको छ।
जम्मा ४ जना मात्र कर्मचारी भए पनि केन्द्रको सेवा प्रभावकारी रहेको उपभोक्ता बताउँछन्। रासस
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1736655415.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
