काठमाडौं- बाह्रखरी मिडिया हाउसले हरेक वर्ष गर्ने गल्फ प्रतियोगिता यसवर्ष सगरमाथा क्षेत्रको कोङ्देदेखि काठमाडौंसम्म गर्ने भएको छ।
‘एनसेल प्रिजेन्ट्स बाह्रखरी एभरेस्ट गल्फ २०१९’ को नाममा दुई चरणमा हुने प्रतियोगितामा पहिलो चरण अक्टुवर २० मा ४२५० मिटरको उचाइमा रहेको कोङ्देमा र दोस्रो चरण अक्टुवर २६ मा काठमाडौंको गाकर्ण गल्फमा हुने भएको हो।
पहिलो चरणमा ४० भन्दा बढी गल्फरले एक पार–३ कोर्समा प्रतिस्पर्धा गर्ने र दोस्रो चरणमा बाँकी रहेका १७ होल खेल्ने आयोजकले जनाएको छ। दोस्रो चरणमा समेत गरी झण्डै सय जना गल्फरले भाग लिने बताइएको छ।
यसैका लागि गोकर्ण गल्फ क्लबको प्राविधिक सहयोगमा सगरमाथाको कोङ्देमा वान होल गल्फ कोर्स तयार पारिने बाह्रखरी मिडिया हाउसले जनाएको छ। नेपालमा सबैभन्दा उचाइमा गरिएको गल्फ संसारकै अग्लो ठाउँमा खेलिएको गल्फ प्रतियोगिता हुने आयोजकको भनाइ छ।
नेपाल भ्रमण वर्ष २०२० लाई सहयोग गर्ने गरी प्रतियोगिताको आयोजना गरिएको र विभिन्न अन्तर्राष्ट्रिय सञ्चार माध्यमका पत्रकारहरुलाई पनि बोलाइएको बताइएको छ। खेलाडीसहित अन्तर्राष्ट्रिय सञ्चार माध्यमका पत्रकार र विशिष्ट अतिथिका लागि कोङ्दे जान हेलिकप्टरको ब्यवस्था गरिने अयोजकले जानकारी दिएका छन्।
प्रतियोगितामा भाटभटेनी सपर मार्केट्स तथा सिभास रिगल सहप्रायोजक र थाइ इन्टरनेसनल एयरलाइन्स, टाटा मोटर्स तथा होल इन वान, काल्र्सबर्ग बेभरेज पार्टनरका रुपमा साथै ग्लोबल आइएमई बैंक बैंकिङ पार्टनरका रुपमा सहगोगी रहेको बाह्रखरी मिडियाले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1755350564.jpg)
-1764146706.png)
