संन्यासीको हत्या गरेको अभियोगमा अर्का संन्यासी पक्राउ

ब्लग

नेपाल लाइभ शनिबार, माघ २७, २०७४ १३:५७

कञ्चनपुर- संन्यासी (जोगी) चन्द्र गिरीको हत्या गरी फरार भएका अर्का संन्यासी नारायण चौधरीलाई प्रहरीले पक्राउ गरेको छ।

कञ्चनपुरको कृष्णपुर नगरपालिका वडा नम्बर ४ मा रहेको वनदेवी मन्दिरमा बस्दै आएका दुई संन्यासीबीच शुक्रबार विवाद हुँदा चन्द्र गिरीको हत्या भएको थियो। हत्याका आरोपित अर्का संन्यासी नारायण चौधरीलाई कैलालीको अत्तरिया बजारबाट शनिबार बिहानै पक्राउ गरिएको इलाका प्रहरी कार्यालय झलारीका प्रहरी नायव निरीक्षक मणि भट्टले जानकारी दिए।

अन्दाजी ३२ वर्षका चौधरीले वर्ष ४५ का गिरीको चिर्पट प्रहार गरी हत्या गरेको प्रहरीले जनाएको छ। शुक्रबार साँझ मन्दिरमा रहेका अन्य आधा दर्जन महात्मा आरती गर्न व्यस्त रहेको समयमा दुई जनाबीच विवाद हुँदा घटना भएको थियो। घटनापछि प्रहरीले चौधरीको खोजी तीव्र पारेको थियो।

उनी प्रकाउ परेसँगै अनुसन्धान अघि बढाइएको प्रहरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

खानेपानी तथा सरसफाइको क्षेत्रमा सहयोग गर्न युनिसेफलाई खानेपानीमन्त्री यादवको आग्रह

नाइजेरियामा सडक दुर्घटनामा कम्तीमा ३२ जनाको मृत्यु

सांसद चौधरीविरुद्धको रिट खारेज