सौराहामा फसेको गैंडाले पायो नयाँ जीवन

ब्लग

नेपाल लाइभ शनिबार, माघ २७, २०७४ १३:५२

रत्ननगर चितवन- चितवनको सौराहास्थित शौचालयको सेफ्टी ट्यांकीमा फसेको गैंडाको शनिबार बिहान सकुसल उद्धार गरिएको छ।

सौराहाको एक घरमा बनाइएको शौचालयको सेफ्टी ट्यांकीमा फसेको गैंडालाई शनिबार बिहान सकुसल उद्धार गरिएको चितवन राष्ट्रिय निकुञ्जका सहायक संरक्षण अधिकृत एवं सूचना अधिकारी नुरेन्द्र अर्यालले जानकारी दिए।

राती आवतजावत गर्ने क्रममा सौराहा आसपास घुम्दै हिँड्ने गैंडा सेफ्टी ट्यांकीमा परेको थियो। राति हात्तीसहित निकुञ्जका कर्मचारी र सेनाको टोलीले गैँडाको उद्धार गरेको उद्वारमा खटिनुभएका चितवन राष्ट्रिय निकुञ्जका पशु स्वास्थ्य प्राविधिक पुरुषोत्तम पाण्डेले जानकारी दिए। सेफ्टी ट्यांकीको बिर्को(ढकन) भासिन गई गैंडाभित्र पस्न पुगेको थियो।

उनका अनुसार, सेफ्टी ट्यांकी भत्काई बाटो बनाएर गलको सहयोगमा गैंडालाई निकालिएको हो। यसैबीच, चितवन राष्ट्रिय निकुञ्जले आसपास क्षेत्रको घर वरपर बनाइएका खाल्डाखुण्डी पुरेर सुरक्षित राख्न मध्यवर्ती क्षेत्रका बासिन्दालाई अपिल गरेको छ।

यस्ता खाडल पुर्न र सेफ्टी ट्यांकी, गोबर ग्यासका लागि बनाएको स्थानलाई सुरक्षित राख्न निकुञ्जको पूर्वी सेक्टर कार्यालय चितवनले सार्वजनिक सूचना नै जारी गरी अपिल गरेको हो।

यस्ता खाल्डाखुल्डीमा बाघ, गैंडा, हात्ती तथा दुर्लभ वन्यजन्तु परेर फस्ने तथा मृत्युसमेत हुनसक्ने भएकाले ध्यानाकर्षण गराइएको निकुञ्जको पूर्वी सेक्टर कार्यालयका प्रमुख अभिनय पाठकले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

खानेपानी तथा सरसफाइको क्षेत्रमा सहयोग गर्न युनिसेफलाई खानेपानीमन्त्री यादवको आग्रह

नाइजेरियामा सडक दुर्घटनामा कम्तीमा ३२ जनाको मृत्यु

सांसद चौधरीविरुद्धको रिट खारेज