काठमाडौं– नेपाल प्रहरीको राष्ट्रिय प्रहरी प्रशिक्षण प्रतिष्ठानको आयोजनामा ‘हिडौं साथ साथ’ कार्यक्रम सम्पन्न भएको छ। बहालवाला तथा सेवा निवृत हुनु भएका प्रहरी अधिकृतहरु बिच भातृत्व भावना पूनर्ताजगी एवं सद्वभाव अभिवृद्धिका लागि प्रतिष्ठानले शनिबार बिहान उक्त कार्यक्रम आयोजना गरेको हो।
जसमा प्रहरी महानिरीक्षक प्रकाश अर्याल, उच्च प्रहरी अधिकारी तथा अवकाशप्राप्त प्रहरी अधिकारी तथा सर्वसाधरणहरुको समेत उपस्थिती थियो।
प्रतिष्ठानकाृ २६ औं बार्षिकोत्सवको अवसरमा ‘हिडौ साथ साथ’’ भन्ने नाराका साथ प्रभात फेरी कार्यक्रम आयोजना गरिएको हो।
तत्कालीन सदर पुलिस तालिम केन्द्र र हालको प्रतिष्ठानबाट हाल सम्म प्रहरी अधिकृत आधारभुत तालिम सम्पन्न गरी विभिन्न दर्जाहरुमा हाल कार्यरत बहालवाला एवं सेवा निवृत हुनु भएका प्रहरी अधिकृतहरु बिच भातृत्व भावना पूनर्ताजगी एवं सद्वभाव अभिवृद्धिका लागि उक्त प्रभातफेरी आयोजना गरिएको प्रतिष्ठानका कार्यकारी निर्देशक एआईजी देवेन्द्र सुवेदीले बताए।
बिहान ७ बजे प्रतिष्ठानको मुलगेटबाट सुरु भएको ‘मनिङ वक’ बालुवाटार,नक्साल, नागपोखरी,लैनचौर,लाजिम्पाट प्रतिष्ठानको खेलमैदानमा पुगेर समापन भएको थियो।
कार्यक्रम समापनमा बोल्दै पूर्व प्रहरी महानिरीक्षक तथा प्रतिष्ठानका पूर्व समादेशक हेमबहादुर सिंहले प्रहरी अधिकृतहरुमा सामूहिक तथा भाइचाराको भावना विकास गर्ने यस्ता कार्यक्रमले निरन्तरता पाउनुपर्ने बाए।
कार्यक्रममा सहभागीमध्ये जेष्ठ सदस्य, पूर्व प्रहरी महानिरीक्षक तथा प्रतिष्ठानका पूर्व समादेशक सिंहलाई प्रतिष्ठानका कार्यकारी निर्देशक प्रहरी अतिरिक्त महानिरीक्षक देबेन्द्र सुवेदीले मायाको चिनो प्रदान गर्नुका साथै सहभागीहरुलाई धन्यवाद ज्ञापन गरेका थिए।
जीवनको विभिन्न तह र तप्कामा पुगेका प्रहरी अधिकृतहरु र सेवानिवृत्त प्रहरी अधिकृतहरु बीचमा बन्धुत्वभाव जगाउँदै समन्वय र सहकार्य सदैव कायम राखी हामी सँगै थियौं, छौं र रहनेछौं भन्ने अवधारणाका साथ उक्त कार्यक्रमको आयोजना गरिएको प्रतिष्ठानले जनाएको छ।
एकेडेमीले आगामी सोमबार २६ औं बार्षिकोत्सव मनाउदै छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
