काठमाडौं- साफ यु १८ च्याम्पियनसिप खेल्ने नेपाली टोलीको अन्तिम छनोट गरिएको छ। असोज ३ गतेदेखि स्वयम्भू हल्चोक मैदानमा हुने खेलका लागि प्रशिक्षक चेत नारायण श्रेष्ठले २३ सदस्यीय अन्तिम टोली छानेका हुन्।
पोखरामा गरिएको आठ दिनको साफ तयारी क्याम्पबाट प्रशिक्षक श्रेष्ठले खेलाडी छानेका हुन्। अन्तिम टोलीमा गोलकिपर रोहित कार्की र मिडफिल्डर दीपेश गुरुङले स्थान बनाउन सकेनन्।
प्रतियोगितामा नेपालसहित भुटान माल्दिभ्स, बंगलादेश, भारत र श्रीलंका सहभागी हुनेछन्।
च्याम्पियनसिपमा पाकिस्तान सहभागी नहुने भएपछि अन्तिम समयमा खेल तालिका हेरफेर भएको थियो। प्रतियोगिता असोज ३ देखि १२ गतेसम्म हुनेछ।
को को छन् टोलीमा ?
गोलकिपर– विशाल सुनार, सूर्य अधिकारी, पुजन होना
डिफेन्डर– विशाल बस्नेत, रन्दिप पौडेल, पदम भट्टराई, सुजन शर्मा, नवीन गुरुङ, रोशन दोङ, एलिक रुम्वा, एन्जल महर्जन
मिडफिल्डर– शिशिर लेखी, रोशन रानामगर, आकाश बुढामगर, जय गुरुङ, मनिष थापा, कुशल फुयाल, नितिन थापा
फरवार्डः ब्रिजेश चौधरी, सचु गुरुङ, कैलाश लामिछाने, दर्शन गुरुङ, मनिष डाँगी
...........
साविक विजेता नेपाल रहेको समूह ‘ए’ मा माल्दिभ्स र भुटान रहेका छन् । समूह ‘बी’ मा बंगलादेश, श्रीलंका र भारत रहेका छन्।
नेपालले पहिलो खेलमा असोज ३ गते नै माल्दिभ्ससँग र दोस्रो खेलमा ५ गते भुटानसँग खेल्नेछ । समूहका शीर्ष २ टोली सेमिफाइनल पुग्नेछन् । दुवै सेमिफाइनल १० गते हुने तय छ। फाइनल खेल १२ गते हुनेछ ।
च्याम्पियनसिपका लागि झण्डै १ करोड ९० लाख खर्च हुने एन्फाले जनाएको छ। दर्शकका लागि तोकिएको पाँच सय रुपैयाँको टिकटबाट आउने रकमसँगै अपुग रकम साफको अनुदानबाट जुटाउने एन्फाले जनाएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764508750.jpg)
-1764146706.png)
-1763721444.png)
-1763559424.jpg)
-1764080971.png)
