काठमाडौं- नेपाली सेनाका रत्नजित तामाङले लगातार आठौ पटक योनेक्स सनराईज नवौं पुष्पलाल स्मृती ¥याङ्किङ्ग राष्ट्रिय ब्याडमिन्टनको उपाधी उचालेका छन्।
आठौं पटक उपाधी उचाल्ने क्रममा रत्नले चिर प्रतिद्वन्दि एपिएफका दिपेश धामीमाथि २१–१९, २१–१३ को सोझो जित निकाले। रत्नले दाङ्गमा सम्पन्न आठौं राष्ट्रिय खेलकुद अन्तरगतको ब्याडमिन्टन प्रतियोगितामा भएको हारमा मलम लगाएका छन्। उक्त प्रतियोगितामा उनी धामी संगनै पराजित भएका थिए। भोजपुरका बिकास श्रेष्ठ र सेनाका नविन श्रेष्ठ संयुक्त तेश्रो भए । पहिलो उपाधी भने पूर्व राष्ट्रिय च्याम्पियन विकास श्रेष्ठले जितेका थि ।
यस्तै राष्ट्रिय च्याम्पियन रशिलाले पूर्व विजेता भोजपुरकी नङ्गशल देवी तामाङ्गलाई पराजित गर्दै पहिलो पटक उपाधी उचालिन्। उनले तामाङ्गलाई २१–१६, २१–१५ को सहज जित निकालिन्। तेश्रो स्थानमा एपिएफकी जेशिका गुरुङ्ग र राजधानी युथ क्लबका सिमा राजबंशी रहे।
विजयी शीर्ष तीनका खेलाडीहरुले नगद ५० हजार, २५ हजार र १२ हजार ५ सयसहित ट्रफी र प्रमाण पत्र प्राप्त गरे।
नेपाल खेलकुद महासंघ, राष्ट्रिय ब्याडमिन्टन संघको आयोजनमा भएको प्रतियोगिताको पुरुष खुल्ला एकलतर्फ सेनाका पविन लिनथेपले कैलालीका देवराज रानालाई १९–२१, २१–११, २१– ११ ले पराजित गरे। तेश्रो स्थानमा एपिएफका प्रियान्सु सिंह क्षेत्री र निराजन देवकोटा रहे।
यसैगरि महिला एकल खुल्लातर्फ कैलालीकी प्रार्थना देउवाले उपाधी चुमिन्। उनले जेष्ट ब्याडमिन्टनकी मनिषा खड्का सुरुवातमा नै खेलका दौरान खुट्टामा चोट आएका कारण खेल परित्याग गरेपछि उपाधी जितेकी हुन्। तेश्रो स्थानमा बाँकेकी सुष्मा श्रेष्ठ र जेष्टकी सफी खत्री रहे।
ईटहरी रङ्गशालास्थित कभर्डहलमा भएको प्रतियोगिताको पुरुष युगलमा सेनाका रत्नजित तामाङ्ग र नविन श्रेष्ठको जोडीले बाजी मा¥यो । रत्न र नविनको जोडीले एपिएफका दिपेश धामी र विजित थापामगरको जोडीलाई १६–२१, २१–१७, २१–१२ ले पन्छाउँदै उपाधी जितेको हो। बाँकेका रियाज अन्सारी र ईरफान अन्सारी तथा सेनाका रुकेश महर्जन र प्रफुल महर्जनको जोडी तेश्रो भयो।
यसै गरि महिला युगल तर्फ एपिएफका पुजा श्रेष्ठ र जेशिका गुरुङ्गले जिते। पुजा र जेशिकाको जोडीले सेनाका रशिला महर्जन र रञ्जना भट्टको जोडीलाई २१–१२, २१–१३ ले पन्छाउँदै ट्रफी उचाले। तेश्रो स्थानमा सेनाका अमिता गिरी र अनुमाया राईको जोड ितथा बाँके र राजधानी युथ क्लब, मोरङ्गका संझना शर्मा र सिमा राजबंशी रहे।
महिला/पुरुष खुल्ला एकल तथा जोडीका विजयी उच्च तीन स्थानका खेलाडीले नगद २० हजार, १० हजार र ५ हजार सहित ट्रफी प्रमाण पत्र प्राप्त गरे।
छात्र यु १७ तर्फ एपिएफका प्रियान्सु सिंह क्षेत्रीले बाजी मारे। उनले कैलालीका अमृत चौधरीलाई २१–१२, १८–२१, २१–१२ ले पराजित गर्दै उपाधी हात पारे। तेश्रो स्थानमा कञ्चनपुरका हिमाल चन्द र सेनाका भोजबहादुर गुरुङ्ग रहे। यस्तै छात्रा तर्फ सेनाकी रशिलाले उपाधी चुमिन्। उनले राजधानी युथ क्लब, मोरङ्गकी सिमा राजबंशीलाई २१–५, २१–३ ले पराजित गरिन्। तेश्रो स्थानमा राजधानी युथकी रोज पाण्डे र सेनाकी रञ्जना भट्ट रहे।
विजयी शीर्ष तीनले १० हजार, ७ हजार र ४ हजार नगद तथा ट्रफी, प्रमाण पत्र प्राप्त गरे।
भेट्रान्स युगलतर्फ पाल्पाका विरेन्द्र सिंह बिष्ट र महेश बज्राचार्यले जित निकाले। विरेन्द्र र महेशको जोडीले धनकुटाका किरण प्रधान र योगश्वर श्रेष्ठको जोडीलाई १८–२१, २१–१९, २१–११ ले पराजित गरे। ईलामका दर्शन भक्तराज र संजय भक्तराज तथा सेनाका सुभाष श्रेष्ठ र रुद्र थिङ्गको जोडीले तेश्रो स्थान हात पारे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772193271.png)
-1764146706.png)
