चितवनको देवघाटमा विद्युतीय शवदाह गृह बन्ने

ब्लग

नेपाल लाइभ मंगलबार, माघ २३, २०७४ १४:२३

चितवन- देवघाटधाममा विद्युतीय शवदाह गृह निर्माण गरिने भएको छ।

देवघाट क्षेत्र विकास समितिको अगुवाइमा सो गृह निर्माण गर्न लागिएको हो । चितवन, नवलपरासी, तनहुँसँगै देशका विभिन्न जिल्लाबाट दैनिक २४ वटासम्म शव दाहसंस्कारका लागि देवघाट ल्याइने गरिन्छ ।

हिन्दू धर्मावलम्बीहरुको पवित्र तीर्थस्थल देवघाटमा चारकट्ठा जग्गामा विद्युतीय शवदाह गृह बनाउने प्रक्रिया अघि बढाइएको हो।

सो गृह निर्माणका लागि शहरी विकास मन्त्रालयबाट विस्तृत अध्ययन भइसकेको देवघाट क्षेत्र विकास समितिका अध्यक्ष टंकनाथ पौडेलले जानकारी दिए। १५ दिनपछि अध्ययन प्रतिवेदन आउने र त्यसपछि काम अघि बढाइने उनले बताए।

करिब सात करोड रुपैयाँ लाग्ने अनुमान गरिएको सो गृह निर्माणका लागि चालू आर्थिक वर्षमा शहरी विकास मन्त्रालयले ५० लाख र भरतपुर महानगरपालिकाले २० लाख रुपैयाँ बजेट छुट्याएको छ। विस्तृत अध्ययनको प्रतिवेदन आइसकेपछि शवदाहस्थल निर्माण सुरु गरिने अध्यक्ष पौडेलले जानकारी दिए।

देवघाटमा दाहसंस्कार बढी हुने भएकाले दाउराबाट दाहसंस्कार गर्दा एकातिर वन फँडानी बढेको र अर्काेतिर नदीमा प्रदूषण भएकाले विद्युतीय शवगृहमा नै जोड गरेका हौं”, उनले भने।

दाहासंस्कारका लागि एउटा शवको दाउराबाट एउटा लास दाहसंस्कार गर्न तीन हजारभन्दा बढी खर्च लाग्ने गर्छ। विद्युतीय शवदाहबाट दाउराको भन्दा पनि खर्चमा ७५ प्रतिशत कटौती हुन्छ।

यसैगरी, भरतपुर अस्पतालमा बेवारिसे शवको संख्या पनि निकै हुने गरेको छ। ती शव व्यवस्थापनमा पनि कठिनाइ हुँदै आएको छ। देवघाटमा शव दहनका लागि चितवन र बाहिरी जिल्लाबाट दाउरा ल्याइँदै आइएको छ। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कन्काई पुल : पाँच पटक ठेक्काको म्याद थप, १३ वर्षमा आधा काम

इजरायल र हमासबीच गाजामा युद्धविराम गर्ने सहमति, बन्धक रिहाइको बाटो खुल्यो

आज कांग्रेसका मन्त्रीहरुसँग छलफल गर्दै सभापति देउवा