ललितपुर- ललितपुरका तीन ठाउँमा ट्राफिक बत्ती राखिने भएको छ।
जावलाखेलको अल्का अस्पताल अगाडि, पुल्चोकको मन्त्री क्वार्टर अगाडि र कुपण्डोलमा कानदेवतास्थानमा ट्राफिक बत्ती राख्न लागिएको हो।
यसअघि कुनै पनि ठाउँमा ट्राफिक बत्ती नभएकोमा ललितपुर जिल्लामा पहिलो पटक राख्न लागिएको महानगरीय ट्राफिक प्रहरी ललितपुरका प्रमुख प्रहरी निरीक्षक सीताराम हाछेथुले बताए।
ललितपुर महानगरपालिकासँगको सहकार्यमा बत्ती जडान हुन लागेको हो। यी स्थानमा ट्राफिक बत्तीको पहिलेदेखि नै आवश्यकता रहेको उनी बताउँछन्। उनले भने,'यसले गर्दा ट्राफिक र चालक दुवैलाई सजिलो हुनेछ।'
तीन ठाउँमा ट्राफिक बत्ती हुँदा थापाथलीको दैनिक हुने जाम कम हुनाका साथै दुर्घटनासमेत न्युनीकरण हुनेछ। उनले सडकमा बत्ती हुँदा ट्राफिक प्रहरीको जनशक्ति पनि कम भए पुग्ने दावी गरे।
प्रहरी प्रमुख हाछेथुले भने,'अहिले चारजनासम्म बस्ने गरेका यी चोकमा अब एक जना ट्राफिकले व्यवस्थापन गर्न सक्छन्।' यसअघि जुनसुकै समयमा र तीव्र गतिमा चलाइरहेकामा चालकहरुले अब भने बत्ती हेरेर गति सीमित गर्नुपर्नेछ।
ट्राफिक प्रहरीलाई भन्दा ट्राफिक बत्तीलाई चालकले सजिलै र टाढाबाट नै देख्ने उनले जानकारी दिए। ट्राफिक बत्ती जडान भएपछि सडक अनुशासन कायम भई दुर्घटना कम हुन सहयोग पुग्ने विश्वास गरिएको छ। रासस
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
