भक्तपुर- नेपाल रेडक्रस सोसाइटी नगरकोट उपशाखाको एम्बुलेन्स खरिद सहयोग संकलन अभियानमा करिब ११ लाख ५० हजार रुपैयाँ संकलन भएको छ।
यसअघि सञ्चालन गरेको एम्बुलेन्स बिग्रिएपछि उपशाखाले नयाँ एम्बुलेन्स खरिद गर्न शुरु गरेको सहयोग अभियानअन्तर्गत विभिन्न दाता एवम् संघसंस्थाबाट ११ लाख ४१ हजार ५ सय रुपैयाँ संकलन भएको उपशाखाका सभापति सोम शर्मा बजगाईंले जानकारी दिए।
सहयोग गर्नेमा विभिन्न बचत तथा ऋण सहकारी संस्थाहरु, चाँगुनारायण नगरपालिका, रेडक्रस जिल्ला शाखा भक्तपुर, व्यवसायीहरु र अन्य विभिन्न दाता तथा संघसंस्थाहरु रहेको सभापति बजगाईंले बताए।
सहयोग संकलन अभियान कार्यक्रममा प्रदेश सभाका सांसद हरिशरण लामिछानेले एम्बुलेन्स खरिद गर्नुभन्दा सञ्चालन र सही व्यवस्थापन गर्नु प्रमुख चुनौती भएकाले एम्बुलेन्स प्रभावकारी सञ्चालन गर्ने विधि र योजना निर्माण गर्नु आवश्यक रहेको विचार राखे।
उपशाखाले चाँगुनारायण नगरपालिकाका नगरकोट, बागेश्वरी र छालिङ क्षेत्रका साथै काभ्रेको मण्डन देउपुर नगरपालिका आसपासका क्षेत्रमा एम्बुलेन्स सेवा पुर्याउँदै आइरहेको छ। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
