काठमाडौं– स्कुलबाट फुलचोकीमा हाइकिङ गएका जोन तामाङ बेपत्ता भएपछि उनको परिवारमा केही दिनयता रुवाबासी छाएको थियो। शुक्रबारदेखि नै दैनिकजसो प्रहरी, सशस्त्र प्रहरी र सेनाले फुलचोकीमा खोज्दा पनि जोन भेटिएका थिएनन्।
दैनिक रुपमा सेना र प्रहरीको टोली खोज्न जाँदै रित्तै फर्कन्थ्यो। सुरक्षाकर्मीहरुसँग तामाङका आफन्तहरु आँखाभरि आँसु लिएर फुलचोकीबाट झर्थे।
तर, उनीहरुले आशा मारिसकेका थिएनन्। जोनलाई खोज्न थालेको सातौं दिन बुधबार उनीहरु मुहारमा खुसी लिएर फर्किए। गत बिहीबार हराएका जोन बुधबार दिउँसो एक खोंचमा फसेको अवस्थामा सकुशल भेटिएका छन्। उनलाई फेला पार्ने व्यक्ति हुन् चन्द्र आले।
हिमाली क्षेत्रमा उद्धारकर्ताको रुपमा काम गर्दै आएका उनै आलेले तामाङ परिवारको मुहारमा खुसी फर्काएका हुन्। उद्धारमा उनीसँगै रामकाजी तिवारी पनि गएका थिए।
आलेका अनुसार, लाकुरीभञ्ज्याङतर्फ खोज्ने क्रममा एउटा झोला भेटिएको थियो। त्यो झोला तामाङकै भएको उनीहरुको आशंका थियो। त्यहाँ चिप्लिएर लडेको जस्तो देखिन्थ्यो। तामाङ नै तल खसेको हुनसक्ने आशंकामा तल गएर हेर्दा उनलाई बसिरहेको अवस्थामा फेला पारिएको हो।
पानी र बिस्कुट खुवाएर उनलाई बोकेर सडकसम्म ल्याएको उनले बताए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
