मलामी बोकेको ट्रयाक्टर दुर्घटना : एक जनाको मृत्यु, ८ घाइते

ब्लग

नेपाल लाइभ मंगलबार, माघ १६, २०७४ १०:०३

डडेल्धुरा- डडेल्धुरामा ट्रयाक्टर दुर्घटना हुँदा एक जनाको मृत्यु भएको छ भने ८ जना घाइते भएका छन्।

सोमबार राति ८ बजेतिर मलामी बोकी फर्किरहेको से १ त ८९०८ नम्बरको ट्रयाक्टर अमरगढी नगरपालिकास्थित बागबजार र स्याउलेको बीचमा दुर्घटना भएको हो। दुर्घटनामा परी अमरगढी नगरपालिका ८ टाटरका ३३ वर्षीय लालबहादुर दमाईको मृत्यु भएको जिल्ला प्रहरी कार्यालय डडेल्धुराले जनाएको छ। घाइते हुनेहरुमा शिव दमाई, दीलिप दमाई, दीपक ढोली, मनोज दमाई, हरि दमाई, सन्तोष दमाई, प्रकाश दमाई र वीरेन्द्र नेपाली रहेका छन्।

घाइतेहरुको डडेल्धुरास्थित उपक्षेत्रीय अस्पतालमा उपचार भइरहेको जिल्ला प्रहरी कार्यालय डडेल्धुराका प्रहरी नायव उपरीक्षक चक्रराज जोशीले जानकारी दिए। उनका अनुसार ट्रयाक्टर अनियन्त्रित भई नालीमा पल्टिएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जय ट्रफी: सागर र ललितको घातक बलिङमा पुलिस बन्यो च्याम्पियन

न्याय परिषद् सदस्यमा प्रस्तावित दामोदर खड्काविरूद्ध उजुरी आह्वान

पोखरा पुगे प्रधानमन्त्री ओली