जेल बस्दा पनि छुटेन कल बाइपास धन्दा, पक्राउ परे नसिब

सुरक्षा/अपराध

नेपाल लाइभ आइतबार, साउन २६, २०७६ १७:५०

काठमाडौं- अवैध रुपमा अन्तराष्ट्रिय कल बाइपास गर्ने ठाउँमा प्रहरीको केन्द्रीय अनुसन्धान ब्युरो सिआइबीको टोलीले छापा मारेर उपकरणसहित एक जनालाई पक्राउ गरेको छ ।

ब्युरोको टोलीले काठमाडौं बालुवाटरबाट कल बाइपास गरेको आरोपमा बिहीबार चितवनको भरतपुर नगरपालिका–१८ का ३६ वर्षीय नसिव तामाङलाई पक्राउ गरेको हो । बालुवाटरमा कोठा भाडा लिएर उनले कल बाइपास गर्दै आएका थिए ।

प्रहरीले उनको कोठाबाट ३२ पोर्टको जिओआइपी गेटवे २ थान, ल्यापटप १ थान, ल्यापटको चार्जर १ थान, राउटर १ थान, मोबाइल १ थान, नेपाल टेलिकमका सिम १० थान, एनसेलको सिमकार्ड २० थान र नोटबुक १ थान बरामद गरेको छ । पक्राउ परेका उनीमाथि दुरसञ्चार ऐन २०५३ अन्तगर्त मुद्दा दायर भएर ७ दिनको म्याद थप गरिएको छ ।

पक्राउ परेका तामाङ यसअघि २०७२ जेठ १९ गते कल बाइपासमै पक्राउ परेर १ वर्ष कैद बसेर छुटेको व्यक्ति भएको प्रहरीले जनाएको छ । छिटो आम्दानी हुने भन्दै उनले यस्तो काम गरेका बताएका छन् । काठमाडौं पनि उनले उपत्यका बाहिर पनि भिआइपी सञ्चालन गर्ने तयारीमा रहेो प्रहरी अनुसन्धानबाट खुलेको छ । उनले कल क्यारिएरस्ँग मिलेर कल बाइपास गर्थे ।

प्रहरीले अहिलेसम्म १ सय १० स्थानबाट १ सय ३१ नेपाली र ३७ विदेशी गरी १ सय ६८ जनालाई पक्राउ गरेको छ । पक्राउ परेकाहरु विरुद्ध १२ अर्ब १२ करोड ५० लाख ९ हजार ३ सय ३८ रुपैयाँ बिगो माग दाबीसहित अदालतमा मुद्दा दायर भएको छ ।

त्यस्तै अहिलेसम्म प्रहरीले कल बाइपासमा प्रयोग भएको २३ हजार २ सय ६३ थान सिम कार्ड बरामद गरेको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सत्य निरुपण र बेपत्ता आयोगका पदाधिकारी नियुक्त

बेरूजु निरन्तर बढ्दो, राजस्व छुटको तथ्याङ्क संसद्मा पेस गरेर पारदर्शिता कायम गर्न सुझाव

विद्यालयमा हाजिरीविनै दिवा खाजामा २७ करोड खर्च