काठमाडौं- नाडा अटो शो २०१९ मा इलेक्ट्रिक स्कुटर कम्पनी एनआइयूले शक्तिशाली स्कुटर ल्याउने भएको छ। केही वर्षअघि मात्र नेपाली बजारमा प्रवेश गरेको एनआइयूका इलेक्ट्रिक स्कुटर निक्कै लोकप्रिय हुँदै गएको दाबी कम्पनीले गरेको छ।
चाइना वेस कम्पनी एनआइयूको नेपालका लागि आधिकारिक बिक्रेता इको इन्फिनिटी प्रालिले यो वर्षको नाडा अटो शोमा नयाँ इलेक्ट्रिक स्कुटर एनजिटी ल्याउने भएको छ। त्यस्तै एन सिरिजको स्कुटर पनि अटो शोमा राखिने कम्पनीले जनाएको छ।
एनजिटी नेपाली बजारमा यो वर्षको नाडा अटो शोबाट प्रवेश गर्न लागेको इको इन्फिनिटीका सेल्स एक्जुकेटिभ आकाश महर्जनले जानकारी दिए। ‘यो अटो शोमा एनआइयूको नयाँ स्कुटर एनजिटीले मुख्य आकर्षण हुनेछ,’ उनले भने, ‘इलेक्ट्रिक सवारीप्रति बढ्दो आकर्षणलाई ध्यानमा राखेन नयाँ स्कुटर बजारमा ल्याएका हौं।’
एनजिटीमा ३ हजार वाटको मोटर रहेको छ। यो स्कुटरमा डबल ब्याट्री छ, जुन फास्ट चार्जमार्फत ४ घन्टाभन्दा कम समयमा फुल चार्ज हुन्छ। यो स्कुटरले एक पटकको फुल चार्जमा १ सय २० किलोमिटरभन्दा बढी माइलेज दिने दाबी कम्पनीको छ।
पछिल्लो समय नेपाली बजारमा दुईपांग्रे इलेक्ट्रिक सवारीको उपयोग बढ्दै गएकाले कम्पनीले नयाँनयाँ उत्पादन थप्दै गएको महर्जनको भनाइ छ। अटो शोमा आउने नयाँ एनजिटी स्कुटर धेरै उपभोक्ताको रोजाइमा पर्ने उनको विश्वास छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
