पर्सामा घर बनाउने क्रममा विवाद हुँदा गोली चलाउने बाबुछोरा पक्राउ

सुरक्षा/अपराध

नेपाल लाइभ बुधबार, साउन २२, २०७६ ११:३८

काठमाडौं– पर्सामा घर बनाउने क्रममा सामान्य विवाद हुँदा गोली चलाउने बाबुछोरालाई प्रहरीले पक्राउ गरेको छ।

वीरगञ्ज महानगरपालिका–१८ भवानीपुरका मोहन साह तेली र उनका छोरा २१ वर्षीय कुन्दन साह तेलीलाई पर्सा प्रहरीले मंगलबार पक्राउ गरेको हो।

उनीहरुले सोही ठाउँका २८ वर्षीय बृजेश कुमार पटेल, २४ वर्षीय विकेश पटेल र १८ वर्षीय दीपेश पटेलसँग कुन्दनको घर बनाउने क्रममा सामान्य विवाद भएको थियो। विवाद भएपछि कुन्दनले आफ्नो बाबुको नाममा रहेको २ नाले एमडी इटाली रोटा मोडेलको १०४ नम्बरको १२ बोर हतियार निकालेर एक राउण्ड हवाई फायर गरेका थिए।

उक्त जानकारी प्राप्त हुनासाथ वडा प्रहरी कार्यालय श्रीपुरबाट खटिएको प्रहरी टोलीले उक्त हतियार, ४ राउण्ड गोली र ३ थान खोकासहित कुन्दन र उनका बाबु मोहनलाई पक्राउ गरेको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सत्य निरुपण र बेपत्ता आयोगका पदाधिकारी नियुक्त

बेरूजु निरन्तर बढ्दो, राजस्व छुटको तथ्याङ्क संसद्मा पेस गरेर पारदर्शिता कायम गर्न सुझाव

विद्यालयमा हाजिरीविनै दिवा खाजामा २७ करोड खर्च