भारत गएर नेपाली व्यवसायीलाई फोन, ७५ लाख नदिए जे पनि हुन सक्ने धम्की दिने पक्राउ

सुरक्षा/अपराध

नेपाल लाइभ आइतबार, साउन १९, २०७६ १२:००

काठमाडौं– भारत गएर नेपाली व्यवसायीहरुलाई फोन गर्दै धम्की दिने एक जनालाई प्रहरीले पक्राउ गरेको छ।

पक्राउ पर्नेमा ललितपुर महानगरपालिका-२४, धापाखेलका ३० वर्षीय उदय गिरी छन्। उनलाई महानगरीय प्रहरी अपराध महाशाखाको टोलीले शुक्रबार धापाखेलबाट पक्राउ गरेको हो।

उनले नेपाली तथा भारतीय नम्बरहरुबाट व्यवसायीलाई फाेन गर्दै ७५ लाख रुपैयाँ माग गरेका थिए। ७५ लाख रुपैैयाँ नदिए जे पनि हुनसक्ने धम्की दिएपछि व्यवसायीहरुले प्रहरीमा उजुरी दिएका थिए। उनीहरुकै उजुरीका आधारमा अनुसन्धानमा खटिएको प्रहरीले उनलाई पक्राउ गरेको हो।

पक्राउ परेका गिरी यसभन्दा अघि हातहतियार तथा खरखजना मुद्दामा ३ वर्ष जेल बसेर छुटेको व्यक्ति भएको प्रहरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सत्य निरुपण र बेपत्ता आयोगका पदाधिकारी नियुक्त

बेरूजु निरन्तर बढ्दो, राजस्व छुटको तथ्याङ्क संसद्मा पेस गरेर पारदर्शिता कायम गर्न सुझाव

विद्यालयमा हाजिरीविनै दिवा खाजामा २७ करोड खर्च