कलंकी गोली काण्ड : बरामद बन्दुकबाट गोली नचलेको पुष्टि

सुरक्षा/अपराध

नेपाल लाइभ बिहीबार, साउन १६, २०७६ १३:५५

काठमाडौं- पूर्वउपसचिव विष्णुप्रसाद शर्माको कलंकीस्थित घरमा गोली चलेको भनी बरामद गरिएको बन्दुकबाट गोली प्रहार नभएको पुष्टि भएको छ। गोली प्रहार भएको आशंकामा प्रहरीले पूर्वइन्जिनियर शुभाकर खनालको दुई थान लाइसेन्स प्राप्त बन्दुक बरामद गरेको थियो।

उक्त हतियारबाट गोली चलेको हुनसक्ने भन्दै महानगरीय प्रहरी अपराध महाशाखाले बुधबार शुभाकरलाई पनि सोधपुछ गरेर छाडेको थियो। सो हतियारबाट गोली चलेको हो/होइन जाँच गर्न प्रहरीले आफ्नै केन्द्रीय विधि विज्ञान प्रयोगशाला सामाखुसी पठाएको थियो।

तर, ब्लास्टिक रिपोर्टमा बरामद दुवै हतियारबाट गोली नचलेको रिपोर्ट आएको अपराध महाशाखाका एसपी केदार ढकालले बताए।

उक्त हतियारबाट गोली नचलेको पुष्टि भएपछि प्रहरीले थप अनुसन्धान अघि बढाएको छ।

सोमबार राति साढे ८ बजे विष्णप्रसाद शर्माको घरको दोस्रो तलामा गोली भेटिएको थियो। गोली तारको जाली छेडेर भित्र पसेको भए पनि कुनै मानवीय क्षति भएको थिएन। शर्माकी छोरी पढिरहेको अवस्थामा गोली कोठामा प्रवेश गरेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सत्य निरुपण र बेपत्ता आयोगका पदाधिकारी नियुक्त

बेरूजु निरन्तर बढ्दो, राजस्व छुटको तथ्याङ्क संसद्मा पेस गरेर पारदर्शिता कायम गर्न सुझाव

विद्यालयमा हाजिरीविनै दिवा खाजामा २७ करोड खर्च