अस्थायी राजधानी माग गर्दै दाङ बन्द

ब्लग

नेपाल लाइभ बुधबार, माघ ३, २०७४ १२:३७

तुलसीपुर- दाङलाई प्रदेश नम्बर ५ को अस्थायी राजधानी बनाउन माग राख्दै आजबाट अनिश्चितकालीन बन्द आह्वान गरिएको छ। दाङ प्रादेशिक सरोकार समितिको अगुवाइमा जिल्लाका विभिन्न स्थानमा स्थानीयवासी आन्दोलनमा उत्रिएका छन्।

बन्दका कारण बिहानैदेखि जिल्लामा लामो तथा छोटो दूरीमा कुनै पनि सवारी साधन चल्न सकेका छैनन्। शिक्षण संस्था, कलकारखाना समेत बन्द छन्।

त्यसैगरी जिल्लाका मुख्य बजारहरु तुलसीपुर, नारायणपुर, घोराही, लमही, गढवा र भालुबाङ लगायत सबै क्षेत्र सुनसान रहेको बताइएको छ। बन्दको समर्थन गर्दै स्थानीय जनता स्वतःस्फूर्तरुपमा सडकमा उत्रिएका छन्।

दाङलाई प्रदेशको राजधानी बनाउन सबै हिसाबले उपयुक्त भए पनि सरकार तथा राजनीतिक दलका नेताहरुले षड्यन्त्र गरेकाले अनिश्चितकालीन बन्द गर्नुपरेको समितिका सदस्य–सचिव एवं नेपाल पत्रकार महासंघ दाङका अध्यक्ष सविन प्रियासनले बताए।

पूर्व–पश्चिम राजमार्गअन्तर्गत दाङ सडकखण्ड बन्द हुँदा पूर्व र पश्चिम चल्ने सवारी भालुवाङ र अमेलियामा रोकिएका छन्। (रासस)

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रिय स्वार्थ र आर्थिक कूटनीतिलाई उच्च प्राथमिकतामा राख्न मिसन प्रमुखहरूलाई परराष्ट्रमन्त्रीको निर्देशन

पाकिस्तानमा सैन्य कारबाहीमा २२ आतङ्ककारी मारिए

भाषा, थर र जातजाति छुट्याउन उच्च्चस्तरीय आयोग गठन गर्न संसदीय समितिलाई सुझाव